Bota
Vendet nordike, me më të arsimuarit në Evropë
Në 35 vende evropiane ku disponohen të dhëna, gratë e moshës 25-34 vjeç ishin më të arsimuara sesa burrat
Popullsia e rritur në Evropë me arsim të lartë ndryshon ndjeshëm përgjatë kontinentit. Niveli i arsimimit gjithashtu luhatet sipas moshës dhe gjinisë.
Mesatarisht, pothuajse një e treta e të rriturve të moshës 25-74 vjeç në Bashkimin Evropian kanë një diplomë të arsimit të lartë, duke përfshirë universitetet publike dhe private, kolegjet, institutet e trajnimit teknik dhe shkollat profesionale. E fundit në renditje qëndron Rumania me 17.4 për qind të popullsisë, ndërsa në vend të parë është Irlanda me 49.8 për qind, shkruan Scan, transmeton albinfo.ch.
Përqindjet në vendet nordike dhe baltike ishin më të larta se mesatarja e BE-së. Suedia dhe Norvegjia renditen në vendin e tretë dhe të katërt me mbi 45 për qind të të diplomuarve të arsimit të lartë.
Në Mbretërinë e Bashkuar, 43.5 për qind e popullsisë së moshës 25-74 vjeç kishte një diplomë, ndërsa Franca (38.2 për qind) kishte përqindjen më të lartë mes vendeve të BE-së, e ndjekur nga Spanja (38 për qind).
Pas Rumanisë, Italia kishte përqindjen më të ulët të të diplomuarve me 18.5 për qind. Kjo shifër ishte gjithashtu pak nën mesataren e BE-së në Gjermani (31.5 për qind).
Përqindja e popullsisë me arsim të lartë ishte dukshëm më e ulët në vendet kandidate për në BE. Turqia kishte shifrën më të lartë të popullsisë me arsim të ulët deri tani, (61.8 për qind). Kjo vlerë ishte gjithashtu mbi 40 për qind në katër vende të BE-së, përkatësisht në Portugali, Itali, Maltë dhe Spanjë.
Në 35 vende evropiane ku disponohen të dhëna, gratë e moshës 25-34 vjeç ishin më të arsimuara sesa burrat. Në vitin 2022, mesatarisht, përqindja e grave me arsim të lartë ishte 47.6 për qind ndërsa për burrat ishte 36.5.
E-Diaspora
-
Kryetarja e Qeverisë së Kantonit të Cyrihut pret ambasadorin Latifi Në pritje, krahas saj ka qenë i pranishëm edhe sekretari i përgjithshëm në drejtorinë e shëndetësisë...
-
Swissalbs, tani edhe në Bernë: E nis me një debat mbi politikat e banimit
-
Edicioni i pestë, një dëshmi e qartë për rritjen e festivalit “Kino Kosova”
-
Ardian Gega mbajti koncert në qytetin Leipzig
-
I riu shqiptar pranohet si hulumtues shkencor në Imperial College London
Jeta në Zvicër
-
Kryetarja e Qeverisë së Kantonit të Cyrihut pret ambasadorin Latifi Në pritje, krahas saj ka qenë i pranishëm edhe sekretari i përgjithshëm në drejtorinë e shëndetësisë...
-
Shumë njerëz në Bazel po aplikojnë për pasaportë zvicerane
-
Ish-futbollisti i njohur mund të dëbohet nga banesa e tij në Zvicër
-
Konfederata po rinis fushatën e saj të vaksinimit Covid-19 për njerëzit në rrezik
-
440 franga për person, propozimi për SNB për shpërndarjen e fitimeve për popullsinë