Shqipëria
BE-ja ndan 13 milionë euro për ushtrinë e Shqipërisë dhe forcimin e sigurisë në rajon
Këshilli Evropian ka miratuar të hënën një paketë ndihme prej 13 milionë eurosh për të mbështetur ushtrinë e Shqipërisë. Lajmi u bë i ditur nga Zyra e Bashkimit Evropian në Tiranë, e cila e cilësoi vendimin si arritje historike për Shqipërinë, përcjell albinfo.ch.
Fondi është ndarë për të mbështetur forcat e armatosura shqiptare në kuadër të Mekanizmit Evropian të Paqes.
“Kjo nismë synon të forcojë aftësitë ushtarake të Shqipërisë dhe të rrisë sigurinë rajonale”, ka thënë Zyra e Bashkimit Evropian në Tiranë.
Përmes një postimi në X – platformë e njohur më parë si Twitter – Zyra e BE-së ka thënë se ndihma ka për qëllim rritjen e efektivitetit operacional të lëvizshmërisë, manovrimit dhe mbrojtjes.
Sipas saj, këto fonde do të forcojnë kapacitetin e Shqipërisë në lidhje me pjesëmarrjen e saj në operacionet dhe misionet e Politikës së Përbashkët të Sigurisë dhe Mbrojtjes së BE-së, si dhe në çdo koalicion ndërkombëtar.
Kryediplomati në shkuarje i BE-së, Joseph Borrell, ka deklaruar se Shqipëria është partnere e besueshme për siguri.
“Vendimi është një arritje e rëndësishme në bashkëpunimin tonë për sigurinë dhe mbrojtjen. Gjithashtu, ai pasqyron vlerësimin tonë për qëndrimin e Shqipërisë në linjë të plotë me Politikën e Përbashkët të Sigurisë dhe Mbrojtjes të BE-së, një shprehje shumë e qartë e zgjedhjes strategjike të Shqipërisë për një të ardhme brenda BE-së”, ka thënë Borrell.
Në kuadër të Mekanizmit Evropian të Paqes, Shqipëria do të sigurojë pajisje që nuk janë projektuar për të prodhuar forcë eliminimi fizik dhe, aty ku nevojitet, furnizime dhe shërbime të tjera, përfshirë trajnim teknik.
Forca tokësore shqiptare do të pajisjet me mjete të lehta të blinduara shumëfunksionale, për të siguruar lëvizshmëri dhe manovrim të lartë në të gjitha llojet e terrenit dhe pavarësisht kushteve të motit, si dhe për të siguruar mbrojtjen e personelit ndaj armëve të lehta dhe eksplozivëve.
Rreth tre muaj më parë, Ministria e Mbrojtjes në Shqipëri ka hartuar strategjinë ushtarake 2024-2033, sipas së cilës, deri në vitin 2033, në radhët e ushtrisë shqiptare të shërbejnë mbi 9 mijë e 500 vetë, nga rreth 6 mijë e 500 sa janë aktualisht.
Gjatë samitit të mbajtur në Uashington ditë më parë, për 75-vjetorin e NATO-s, Shqipëria ka nënshkruar një marrëveshje për sigurimin dhe lehtësimin e lëvizjes ushtarake përgjatë Korridorit VIII Pan-Europian, së bashku me Italinë, Bullgarinë dhe Maqedoninë e Veriut.
Nënshkrimi i marrëveshjes konsiderohet mbështetje drejt vizionit që ka Shqipëria për Korridorin VIII si edhe të projektit për ndërtimin e Bazës Detare të NATO-s në Porto Romano, që do të shërbejë si porta kryesore hyrëse në Ballkanin Perëndimor dhe më tej, në Detin e Zi.
Ministri i Mbrojtjes, Niko Peleshi, pati thënë në qershor se Shqipëria është e vendosur për të transformuar forcat dhe kapacitetet ushtarake.
Sipas tij, deri në vitin 2030 Shqipëria do të hyjë në tregun ndërkombëtar me produktet “Made in Albania”./REL
Të tjera nga Shqipëria
E-Diaspora
-
Arbela Statovci: Një zë për integrimin, arsimin dhe sipërmarrjen Arbela Statovci po kandidon për zgjedhjet lokale të Bernës që mbahen më 24 nëntor të këtij...
-
18-vjeçarja shqiptare hap në Gjermani një ëmbëltore vetëm për gra
-
Në Hanau, hapet shkolla për mësim plotësues në gjuhën shqipe
-
Dua Lipa fiton një çmim në “MTV Video Music Awards”
-
Elite Invest Roadshow, një shans unik për afaristët shqiptarë
Jeta në Zvicër
-
Zvicër: Ligji të përfshijë në mënyrë eksplicite mospërdorimin e dhunës ndaj fëmijëve Dispozita e propozuar i detyron në mënyrë eksplicite prindërit që të rrisin fëmijët pa përdorimin e...
-
Aeroporti i Vjenës padit aktivistët e klimës për 36,000 euro
-
A është lufta e fundit e çmimeve të supermarketeve në Zvicër e mirë për blerësit?
-
TVSH-ja zvicerane do të rritet me 0.7 për qind për të financuar pagesën e pensionit të 13-të
-
Qiratë zvicerane pritet të vazhdojnë të rriten për shkak të mungesës së vendeve të lira