Kosova
Letër ngushëllimi për vdekjen e Ismail Kadare nga Presidentja e Kosovës
![](https://www.albinfo.ch/wp-content/uploads/2024/07/img_1215-587x391.jpeg)
Presidentja e Kosovës, Vjosa Osmani ka nderuar veprën e shkrimtarit të madh shqiptar, Ismail Kadare, pas vdekjes së tij.
Ajo në një letër ngushëllimi ka nderuar edhe rolin dhe kontributin e tij për shqiptarët.
“Në historinë njerëzore, shkrimtarët shpesh i kanë dhënë kahun kombeve në çastet më të vështira të historisë, duke artikuluar idenë e lirisë. Ismail Kadare ishte gjeniu shqiptar, njeriu e shkrimtari i cili tërë jetën dhe veprën e vet ia kushtoi dashurisë ndaj tokës, gjakut e vendit të shqiptarëve, duke krijuar një trashëgimi të pakundshoqe adhurimi e lavdie ndaj vendit e kombit të vet. Me këtë dashuri, të cilën ai e ka shprehur gjithandej veprave të tij, ai i ka paraqitur vlerat e popullit të tij nëpër botë, duke e lartuar gjithandej gjuhën, kulturën e letërsinë shqipe dhe vetë popullin shqiptar, ndërsa të drejtën e popullit shqiptar të Kosovës për të jetuar i lirë e i mosvarmë e mbrojti gjithandej botës, në qarqe intelektuale e kulturore, në ambiente politike e në letërkëmbimin e tij me personalitete të shquara botërore”, ka shkruar presidentja Osmani.
Tutje ajo shton se i gjithë populli shqiptar është në zi.
“Populli i Kosovës, sikur i gjithë populli shqiptar, sot është në zi. Ai humbi kolosin e dijetarin më të njohur shqiptar, humbi mbështetësin e pandalshëm të së drejtës së popullit shqiptar në Kosovë për të jetuar i lirë e i mosvarmë e promovuesin e pandalshëm të kësaj të drejte gjithandej botës. Humbi shkrimtarin e papërsëritshëm, të cilit si Presidente kisha nderin t’ia dorëzoja shtetësinë e Kosovës kohë më parë, sikurse edhe Urdhrin “Hasan Prishtina”. Për dhjetëvjetësha të tërë, ai e kultivoi artistikisht e intelektualisht ndjenjën e lirisë, duke na bërë edhe ne, shqiptarëve të Kosovës, ta kuptonim më mirë përmasën e lirisë e ta gjakonim atë përjetësisht”, shtoi ajo tutje.
Ismail Kadare vdiq këtë të hënë në moshën 88 vjeçare.
E-Diaspora
-
Administrata në Gjilan zgjat orarin e punës për bashkatdhetarë Administrata e Komunës së Gjilanit ka zgjatur orarin e punës në shërbimet e gjendjes civile dhe...
-
Dhunoi dhe abuzoi seksualisht vajzën e tij, shqiptari dënohet me 20 vjet burgim në Francë
-
Mbrojtësi shqiptar firmos kontratë profesionale me Arsenalin
-
Ngjitet në telat elektrikë të trenit, plagoset rëndë kosovari 14-vjeçar
-
Cyrih: Shoqata Kulturore “Bashkimi”, pjesëmarrëse në Trachtenfest dhe Trachtenumzug
Jeta në Zvicër
-
Katër kilometra bllokim trafiku përpara Gotthard-it Të dielën një kolonë e gjatë u formua përpara portalit verior Gotthard. Drejtuesit duhet të jenë...
-
Deri në 58 mm shi për metër katror kanë rënë në Zvicër në 24 orë
-
Raketa evropiane Ariane-6 do të niset në hapësirë, me bashkëpunimin zviceran
-
Autoritetet e Gjenevës paralajmërojnë ndalimin e notit në Rhone
-
Seksionet e mbyllura të autostradës A13 dhe Simplon Pass do të rihapen