Kosova
Vdes shkrimtari Ismail Kadare
![](https://www.albinfo.ch/wp-content/uploads/2019/10/ismail-kadare-517x396.jpeg)
Shkrimtari shqiptar, Ismail Kadare, ka vdekur këtë të hënë në moshën 88-vjeçare.
Shkrimtari i njohur u nda nga jeta mëngjesin e sotëm në QSUT.
Ismail Kadare lindi më 28 janar 1936, në lagjen “Palorto” të Gjirokastrës.
Veprat e tij përkthyer në 45 gjuhë. Letërsia e Kadaresë ka dhënë një kontribut të çmuar në krijimin e gjuhës dhe letërsisë kombëtare. Është laureat i shumë çmimeve letrare kombëtare dhe ndërkombëtare. Në vitin 1992 u vlerësua me Prix Mondial Cino Del Duca.
Në vitin 2005 fitoi çmimin “Man Booker Prize”, i nominuar krahas nobelistëve Günter Grass, Garbiel Garcia Marquez, Kenzabu Oe etj. Kryetari i jurisë e arsyetoi vendimin për t’i dhënë çmimin Kadaresë me fjalët: “Ismail Kadare është një shkrimtar që hedh në hartë një kulturë të tërë: historinë e saj, dëshirën, folklorin, politikën, fatkeqësitë. Ai është një shkrimtar universal me traditë rrëfimi që shkon deri tek Homeri”.
Në vitin 2009 u nderua me çmimin spanjoll Princi i Asturias për Artet – çmimi më i rëndësishëm letrar në vendet spanjolle dhe një nga çmimet letrare më prestigjoze në botë. Në vitin 2010 Ismail Kadare nderohet në Itali me çmimin Lerici Pea.
Në vitin 1996 Kadare u bë anëtar për jetë i Akademisë së Shkencave Morale dhe Politike në Francë. U bë anëtar i Akademisë së Shkencave të Shqipërisë, anëtar i Akademisë së Shkencave të Kosovës dhe nga viti 2018 anëtar i jashtëm i Akademisë së Shkencave të Malit të Zi.
Ismail Kadare është dekoruar nga institucioni i Presidentit të Republikës së Shqipërisë me Urdhrin “Nderi i Kombit” dhe nga shteti francez me urdhrat “Kryqi i Legjionit të Nderit” e “Oficer i Legjionit të Nderit”. Me studimin e veprës së Kadaresë janë marrë autorë të huaj në gjuhët amtare gjegjëse, si Eric Faye dhe Jean-Paul Champseix në frëngjisht, Piet de Moor në holandisht, Peter Morgan në anglisht, Bernardo Joffily në portugalisht, Jose Carlos Rodrigo Breto në spanjisht dhe Ece Dillioğlu në turqisht.
Mirënjohjet ndërkombëtare:
Medalja e Artë e Lidhjes së Prizrenit, Kosovë;
Prix mondial Cino Del Duca, Francë, 1992;
Çmimi “Bokaçio” Itali,1997;[133]
Herder Prize, Gjermani, 1998;[134][135]
Ovid Prize, Rumani, 2003;
Çmimi Man Booker International, Britani, 2005;
Princi i Asturias për Letërsinë, Spanjë, 2009;
Çmimi “Lerici Pea”, Itali, 2010;
Çmimi Jeruzalem, Izrael, 2015;[136]
Commandeur de la Légion d’Honneur (C. LH), Francë, 2016;
Çmimi “Letërsia shqipe”, Kosovë, 2017;
Çmimi “Nonino”. Itali, 2018;[35]
Çmimi i karrierës akademike, nga Akademia e Shkencave e Shqipërisë, 2018;[137]
Çmimi Park Kyong-ni, Korea e Jugut, 2019;
Neustadt International Prize, SHBA, 2020;
Prozart, Maqedoni e Veriut, 2020;
E-Diaspora
-
Ngjitet në telat elektrikë të trenit, plagoset rëndë kosovari 14-vjeçar Mjekët e urgjencës zbuluan se 80 për qind e sipërfaqes së trupit të tij ishte djegur....
-
Cyrih: Shoqata Kulturore “Bashkimi”, pjesëmarrëse në Trachtenfest dhe Trachtenumzug
-
Kurti në Izmir pritet nga kryetarja me prejardhje shqiptare
-
Elbenita Kajtazi, paraqitet në Operën e Cyrihut me shfaqjen “Turandot”
-
E reja shqiptare që solli shoqet zvicerane në Kosovë, befasohen nga mikpritja
Jeta në Zvicër
-
Seksionet e mbyllura të autostradës A13 dhe Simplon Pass do të rihapen Stuhitë masive të kohëve të fundit shkaktuan një rrëshqitje balte dhe rrënojash, të cilat shkatërruan një...
-
A13 përsëri në rrezik, udhëtimi në jug nuk rekomandohet
-
Nisma e gjithëpërfshirjes ka të gjitha nënshkrimet
-
Evakuime në Ticino, pas paralajmërimeve për stuhi në fundjavë
-
A janë liqenet e Zvicrës mjaft të ngrohta për të notuar në to?