Futboll
Zvicër–Itali, formacionet e mundshme
![](https://www.albinfo.ch/wp-content/uploads/2024/06/123123123-10-587x374.png)
Formacionet e mundshme
Zvicra(3-4-2-1): Sommer; Schar, Akanji, Rodriguez; Stergiou, Freuler, Xhaka, Aebischer; Ndoye, Vargas; EmboloItalia
Italia (4-3-3): Donnarumma; Di Lorenzo, Mancini, Bastoni, Darmian; Cristante, Fagioli, Barella; Chiesa, Scamacca, El Shaarawy.
Ndërsa Luciano Spalletti tha se dyshimi i tij i vetëm është midis Gianluca Scamacca dhe Mateo Retegui, ka ende shumë opsione për Italinë kundër Zvicrës. Në anën tjetër, Murat Yakin pritet t’u besojë thuajse të gjithë lojtarëve që luajtën titullar në grupe. Zvicra dhe Italia fillojnë fazën e 1/8-tës me ndeshjen e tyre që pritet të fillojë nga ora 18:00 dhe të zhvillohet në ‘Olympiastadion’ të Berlinit. Te Italia, disa ndryshime janë të detyrueshme, pasi Riccardo Calafiori është i pezulluar dhe Federico Dimarco i lënduar, por Alessandro Bastoni pritet të startojë pavarësisht se vuan nga simptomat e gripit. Trajneri i Italisë konfirmoi tashmë në konferencën e tij për shtyp se Gianluca Mancini do të hyjë në qendër të mbrojtjes. Ai gjithashtu tha se i vetmi dyshim në mendjen e tij është midis Scamacca dhe Retegui, por kjo nuk ka bindur mediat italiane, të cila janë të sigurta se do të ketë ndryshime të tjera në formacion. Matteo Darmian dhe Andrea Cambiaso po luftojnë për vendin e mbrojtësit të majtë, me lojtarin e Interit të avantazhuar para lojtarit të Juventusit. Në mesfushë, Spalletti ka lënë të kuptohet se Nicolo Fagioli do të startojë, që me gjasë do të thotë Bryan Cristante përkrah tij, duke e dërguar Jorginhon në bankinë.
Sa i përket sulmit, Federico Chiesa, i cili mbeti jashtë formacionit kundër Kroacisë, do të kthehet në këtë ndeshje si titullar, ndërsa Stephan El Shaarawy shihet si zgjedhje më taktike para Mattia Zaccagnit në krahun e majtë. Sa i përket Zvicrës, ish-lojtari i Udineses, Silvan Widmer, është i suspenduar në të djathtë dhe Leonidas Stergiou pritet të vijë për ta zëvendësuar atë. Murat Yakin ka mbajtur një formacion të qëndrueshëm 3-4-2-1 gjatë gjithë Euro 2024, por Breel Embolo pritet ta konfirmojë pozitën e sulmuesit për këtë ndeshje. Dan Ndoye i Bolognës do të startojë me Ruben Vargas ose Fabian Rieder në mbështetje.
Ka mjaft lojtarë të Serie A në skuadrën e Zvicrës, duke përfshirë portierin e Interit, Yann Sommer, mbrojtësin e Torinos, Ricardo Rodriguez, Remo Freuler dhe Michel Aebischer të Bolognës.
E-Diaspora
-
Mërgimtarët me nënshtetësi gjermane ja si mund ta rifitojnë shtetësinë e Kosovës Pas futjes në fuqi të “Ligjit për Modernizimin e Shtetësisë së Republikës Federale të Gjermanisë”, të...
-
Krejt në mërgim, fshat i bukur, por i boshatisur, në Vushtrri
-
KF Prishtina nga Berna fiton kupën e Unionit të klubeve shqiptare në Zvicër
-
Gjykata Federale vendos: Nuk dëbohet në Kosovë personi që ka vrarë gruan
-
E solli të miturën nga Zvicra në Kosovë, dyshohet se e dhunoi, arrestohet i dyshuari
Jeta në Zvicër
-
A lejohet siguruesi të ndërhyjë në trajtimin mjekësor të një pacienti? A ka të drejtë një sigurues të ndërhyjë në trajtimin mjekësor të një pacienti? Kështu ndodhi...
-
Përsëri stuhi këtë fundjavë, rrezik edhe për rajone të tjera
-
Ushtria zvicerane është dislokuar për ndihmë edhe në Goms
-
Deri në 100 milionë franga dëme nga stuhia në Saas-Grund
-
Gjithnjë e më pak duhanpirës në Zvicër