Kosova
Kombëtarja shqiptare kthehet në Tiranë
Kombëtarja shqiptare është rikthyer në Tiranë pas përfundimit të rrugëtimit në Kampionatin Evropian “Gjermani 2024”. Kuqezinjtë u nisën mesditën e sotme nga aeroporti i Dyseldorfit për të mbërritur rreth orës 15:30 në Rinas.
“Së bashku me delegacionin shqiptar kanë udhëtuar edhe disa lojtarë drejt Tiranës, ndërsa pjesa tjetër e futbollistëve janë rikthyer në shtëpitë e tyre”, thuhet në njoftimin e Federatës Shqiptare të Futbollit.
Rrugëtimi dinjitoz i Shqipërisë në Kampionatin Europian “Gjermani 2024” u mbyll mbrëmjen e djeshme në “Dusseldorf Arena” pas disfatës në ndeshjen e fundit të grupit B ndaj Spanjës. Kuqezinjtë u përballën denjësisht me kundërshtarë të nivelit të lartë, si Italia, Kroacia e Spanja dhe luftuan deri në fund për t’u kualifikuar në raundin e 1/16-ave të Kampionatit Europian.
Për ta nuk kishte ndonjë pritje të organizuar. Por shumë tifozë kanë bërë fotografi me lojtarët dhe trajnerin Sylvinho.
Braziliani ka konfirmuar se do të mbetet në krye të Shqipërisë.
“I falënderoj futbollistët. Nuk ishte e lehtë. Ishin lojtarët e nivelit më të lartë. Kemi mësuar shumë. Kemi luajtur me tri Kombëtare shumë të forta. Është përvojë e jashtëzakonshme. Ishim në fushë me shumë lojtarë të rinj. Një përvojë shumë e bukur. Kemi përfituar shumë sa i takon përvojës. Kemi rrugë të gjatë përpara. Ka shumë lojtarë të rinj kështu që rruga duket e mirë. E kanë prezantuar shumë mirë vendin, kanë fituar përvojë, kështu që jemi në rregull. Natyrisht që unë jam pjesë e kësaj. Është gjë e bukur që prezantoj këtë vend”, ka thënë Sylvinho.
E-Diaspora
-
“Festivali i këngës dhe valles shqiptare”, një festë për shqiptarët në Nju Jork Ky ishte edicioni i 32 me radhë, i organizuar nga Qendra Kulturore “Nënë Tereza”, pranë Kishës...
-
Shqipëria njofton për pajisje me dokumente elektronike për shtetasit që jetojnë jashtë vendit
-
Edi Rama sot mban takim me shqiptarët e Amerikës në Nju-Jork
-
Nga Vjena në Shqipëri, ekstradohet një shtetas shqiptar
-
Në Gjermani janë regjistruar më shumë se 200 mijë qytetarë nga Kosova
Jeta në Zvicër
-
Qindra miliona nga fondet e lotarisë mbeten të papërdorura Kur bëhet fjalë për përdorimin e fitimeve neto nga llotaritë, disa kantone e përcaktojnë statusin e...
-
Qeveria zvicerane përballet me kritika për përfshirjen e mediave elektronike në ligjin për radio-TV
-
Zvicra anëtarësohet në sistemin e mbrojtjes ajrore të Evropës
-
Studimi tregon se pagat e CEO-ve në Zvicër u rritën me 5% në vitin 2023
-
Ushtria zvicerane, pa softuer të logjistikës së luftës deri në vitin 2035