Lajme
Ndahet nga jeta At Antonio Belushi, “ati shpirtëror i arbëreshëve”
I lindur në vitin 1934 Antonio Belushi (Bellusci), i arsimuar për klerik, gjithë jetën ja ka kushtuar qenies arbëreshe, mbijetesës së "gjakut të shprishur"
Është ndarë sot nga jeta At Antonio Bellusci (Belushi) arbëreshi i cili me jetën dhe veprën e tij është identifikuar më së shumti me qenien e arbëreshëve të Italisë në gjysmë shekullin e kaluar.
I lindur në vitin 1934 në Frasnitë të Kalabrisë, Antonio Bellusci, i cili është arsimuar për klerik, gjithë jetën e tij ja ka kushtuar qenies arbëreshe, mbijetesës së “gjakut të shprishur”. Veprimtaria e tij është shtrirë shumë përtej asaj të një kleriku dhe kap majat që ka njohur bota arbëreshe në kohën tonë.
I quajtur edhe si “Ati shpirtëror i arbëreshëve të Italisë”, At Antonio Bellusci është më meritori për ruajtjen dhe kultivimin e vlerave të komunitetit që prezantonte, shkruan albinfo.ch. Më shumë se kaq, ai ka dhënë dëshmi të panumërta për mbrojtjen e kauzës shqiptare, sidomos asaj të Kosovës, si klerik dhe veprimtar shkencor e humanitar, gjithandej nëpër botë. Po ashtu Bellusci njihet si mbështetës i arvanitasve të Greqisë, të cilët i ka njohur dhe studiuar mbase si askush tjetër.
At Antonio ishte adresa e pashmangshme dhe mikpritëse e pothuaj të gjithë shqiptarëve nga “përtej detit” që vizitonin arbëreshët, duke mbetur gjithnjë në dispozicion të tyre me njohuritë dhe kompetencën e lartë që kishte për botën arbëreshe. Po ashtu biblioteka e tij personale është model për ruajtjen e librave dhe revistave nga e gjithë bota shqiptare.
“Ai ishte themelues i Revistës “Vatra jonë” (Il nostro focolare) 1966, në San Costantino Albanese, i Revistës “Lidhja” (L’unione) në 1980 në Cosenza; hulumtues i riteve e zakoneve të arbëreshëve, etnograf e publicist. Prift i devotshëm i Eparkisë së Lungros. Ai ka një nga bibliotekat dhe arkiv personal ndër më të pasurit e të vyerit ndër arbëreshë. Në shtëpinë e tij ka themeluar Qendrën e Studimeve dhe Bibliotekën “Bellusci”, shkruan studiuesja e trashëgimisë arbëreshe dhe njohësja e mirë e tij, Diana Jup Kastrati.
Shembulli prej rilindasi të vërtetë, në kushte të reja, të cilin Belushi e mishëronte në mënyrë ideale, mbetet unik dhe i papërsëritshëm.
E-Diaspora
-
Bilanc pozitiv i festës “Albanifest” në Winterthur Këtë vit për herë të parë në kuadër të festës është prezantuar edhe kultura shqiptare, përmes...
-
Ku janë dhe ç` bëjnë mërgimtarët e moçëm në Zvicër
-
Tre breza të shqiptarëve në Zvicër: Dikur krahë pune, e sot…?
-
“Bashkimi” nga Usteri, pjesë e paradës së kostumeve tradicionale zvicerane
-
Kurti u drejtohet mërgimtarëve: Kosova ju pret krahëhapur
Jeta në Zvicër
-
Norvegjia mban investime zvicerane me vlerë mbi 35 miliardë CHF Sipas CEO të Norges Bank, Nicolai Tangen, fondi sovran norvegjez i pasurisë mban investime në Zvicër...
-
Studimi zviceran: Ja si shfaqen bllokimet e trafikut nga askund
-
Zvicër: Qiratë e larta po i shtyjnë personat me të ardhura të ulëta në varfëri
-
Zvicra do të rrisë tarifat për të mbuluar kostot e rregulloreve mjedisore
-
Ushtria zvicerane ndihmon me helikopterë zonat e përmbytura