Lajme
Barazimi financiar, 6.2 miliardë franga, më së shumti merr Berna, 1.4 miliardë
Kantoni i Zugut po paguan tani më së shumti në arkë, me rreth 431 milionë franga, që është 48 milionë më shumë se në vitin 2024
![](https://www.albinfo.ch/wp-content/uploads/2023/11/119686914_highres-587x392.jpg)
Në vitin 2025, për nivelizimin financiar në Zvicër do të paguhen rreth 6.2 miliardë franga. Kjo, sipas Administratës Federale të Financave, korrespondon me një rritje prej 284 milionë krahasuar me një vit më parë, transmeton albinfo.ch. Sipas organeve tatimore, arsyeja e rritjes së madhe është se dallimet mes kantoneve janë bërë më të mëdha.
Kantoni i Zugut po paguan tani më së shumti në arkë, me rreth 431 milionë franga, që është 48 milionë më shumë se në vitin 2024. Ky kanton kështu kalon kantonin e Cyrihut, i cili do të kontribuojë me 419 milionë vitin e ardhshëm.
Gjithsej tetë kantone kontribuojnë në barazimin financiar, shrkuan srf.ch. Tani në mesin e tyre është përfshirë edhe kantoni i Schaffhausen-it.
Kantoni i Bernës, me 1.4 miliardë franga, do të marrë më së shumti nga barazimi financiar në vitin 2025, thonë në Administratën Federale të Financave.
Në total, 16 kantone pritet të kenë gjendje më të keqe financiare për kokë banori në vitin 2025 sesa në atë 2024, përcjell albinfo.ch. Megjithatë, nëntë kantone do të përfitojnë. Shifrat për barazimin financiar për vitin 2025 nuk janë ende përfundimtare, kantonet tani mund të bëjnë vërejtjet e tyre
Sipas Administratës Federale të Financave, në shumën prej 6.2 miliardë frangave që do të paguhen për barazimin financiar në vitin 2025, përveç pagesave nga disa kantone të forta financiarisht, shumica ose 4.2 miliardë franga vijnë nga Qeveria Federale.
Të ngjashme
Të tjera nga Lajme
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
-
Brazil: Sopranoja shqiptare do të performojë në teatrin “Municipal të São Paulo”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë