Portrete të firmave
Rritet kërkesa e investitorëve të huaj për prona në bregdetin shqiptar
![](https://www.albinfo.ch/wp-content/uploads/2024/05/1-4-587x313.jpg)
Tregu i pasurive të paluajtshme në Shqipëri është sektori që përveçse po luan rolin kryesor në ekonominë e vendit, rezulton gjithashtu prej më shumë se një dekade sektori, ku fokusohet përqindja më e lartë e investimeve. Të dhënat nga Banka e Shqipërisë dëshmojnë se vitin e kaluar vetëm biznese dhe individë të huaj kanë investuar në Shqipëri më shumë se 1 miliard euro dhe afro 55% e totalit u përqëndrua në pasuri të paluajtshme, industri nxjerrëse dhe aktivitete financiare.
Vendin e parë me numrin më të lartë të investimeve e zë tregu i pasurive të paluajtshme, me një shifër prej 222 milionë euro investim, duke u ndjekur nga industria nxjerrëse me 200 milionë investime dhe në vend të tretë aktivitetet financiare ku janë investuar 166 milionë euro. Vëmendja e investuesve të huaj është përqendruar kryesisht në bregdetin shqiptar, ku qyteti i Vlorës dhe gjithë Riviera shqiptare konsiderohet si një prej zonave më të preferuara për të investuar në blerjen e një prone.
Një peshë të rëndësishme në këtë zgjedhje ka zhvillimi potencial i zonës, rritja prej 118% e vlerës së pronës në bregdet, numri gjithnjë e në rritje i turistëve dhe pa dyshim realizimi i projekteve gjithnjë e më ambicioze që po e orientojnë komunitetin drejt një jetese premium, përmes një stili unik që kombinon elegancën me komoditetin.
Një filozofi të tillë jetese e shohim edhe tek Vlora Marina, një projekt urban miks që po merr jetë në qendër të qytetit të Vlorës. Projekti përfshin ndërtimin e të parës marinë të klasit botëror në Shqipëri me mbi 400 vende ankorimi për jahte dhe megajahte që do të menaxhohet nga D-Marin, rrjeti ndërkombëtar i menaxhimit të marinave në gjithë Medheun dhe Lindjen e Mesme.
Pjesë e projektit është gjithashtu një rezidencë me mbi 800 apartamente buzë detit, hoteli me 5 yje Vlora Marriott Hotel, që vjen nën markën e Marriott International, lider në shërbime premium dhe mikpritje. Për herë të parë në Shqipëri vjen gjithashtu koncepti i rezidencave të branduara Marriott që sjell komoditetin e hotelit me 5 yje në ambientin e shtëpisë.
Përtej gjithë shërbimeve premium, ajo çfarë i josh edhe më shumë investitorët në këtë projekt është kthimi i sigurt i investimit përmes programeve specifike të menaxhuara nga ekipe profesionistësh dhe lehtësi në financim.
Një prej tyre është Programi i qiradhënies. Përmes këtij programi kushdo që është pronar i një apartamenti mund ta shfrytëzojë pronën për të gjeneruar të ardhura. Programi menaxhohet plotësisht nga një ekip i përkushtuar përmes dakordësimit të një marrëveshjeje menaxhimi.
Timeshare është një tjetër program unik i pronësisë që ofron ekskluzivisht Vlora Marina. Falë tij, të gjithë ata që zotërojnë një apartament në këtë kompleks kanë mundësi të pafundme për pushime pa angazhimin financiar dhe stresin e blerjes së një residence të dytë.
Financimi i pronës, nga ana tjetër, është një lehtësi që po i ofron gjithnjë e më shumë individët drejt investimit në këtë projekt. Falë bashkëpunimit me banka të ndryshme në Shqipëri, Vlora Marina ofron mundësi financimi pa kolateral si për rezidentët, ashtu edhe për jorezidentët. Trajtimi i klientëve të huaj me të njëjtat lehtësira si klientët residentë ka qenë një tjetër faktor që ka rritur edhe më shumë interesin e investitorëve të huaj për të blerë një pronë në bregdetin shqiptar. Një tjetër lehtësi është taksa thuajse zero për këdo që investon në blerjen e një prone të dytë.
Në kushte të tilla, sipas ekspertëve, edhe këtë vit sektori i pasurive të paluajtshme pritet të jetë në krye të listës sa u takon investimeve. Shqipëria po kthehet gjithnjë e më shumë në një vend me turizëm në të katërta stinët dhe kjo shihet qartë nga fluksi i lartë i turistëve që në fillim të këtij viti. Sipas të dhënave të INSTAT, netqëndrimet e turistëve të huaj u rritën me 65% deri gjatë 3 mujorit të parë të vitit, krahasuar me të njëjtën periudhë të një viti më parë. Kjo dëshmon se Shqipëria ka hyrë tashmë në stadin e turizmit gjithëvjetor.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë