Kosova
Konjufca thotë se janë zvogëluar shanset për shpërndarje të Kuvendit
![](https://www.albinfo.ch/wp-content/uploads/2021/03/89338098_1359804334206754_3747082069218426880_n.jpg)
Kryetari i Kuvendit të Kosovës, Glauk Konjufca, ka deklaruar sot, se me aq sa ka informata, duke përfshirë edhe ato nga grupet opozitare, do të ishte e pamundur që të shkohet në zgjedhje në vjeshtë, përcjell albinfo.ch.
Konjufca theksoi se vullneti ka qenë qysh para disa muajsh dhe mazhoranca gjithmonë e ka shprehur gatishmërinë dhe se më këtë është pajtuar edhe subjekti më i madh opozitar, Partia Demokratike e Kosovës, por megjithatë siç tha ai, disa partive u duhet më shumë kohë.
“Të gjithë në të njëjtën kohë e kemi kuptuar se kjo nuk duhet të jetë marrëveshje mes dy partive politike, por duhet të jetë një përfshirje më e gjerë dhe, me sa e di unë, oferta iu është bërë të gjitha subjekteve opozitare, dy prej tyre nuk janë pajtuar që të shkohet në zgjedhje në këtë mënyrë, ato kanë propozuar një mënyrë tjetër.
Unë qysh e kam lexuar këtë qëndrim dhe këtë pozicionim, është se atyre u duhet më shumë kohë dhe mendoj se nuk duhet paragjykuar ato subjekte që kërkojnë më shumë kohë për zgjedhje….
Por, nëse nuk arrihet konsensus i të gjitha subjekteve që të shkohet, që të jemi të sigurt që kemi dukshëm mbi numrin 80 dhe jo që të jemi në kufi, sepse mund edhe të mos bëhet shpërndarja e Kuvendit, ju e dini se i kërkon 2/3 e votave dhe vetëm mazhoranca me PDK-në do të ishin në kufi të këtyre numrave… Kjo është arsyeja kryesor pse kemi kërkuar konsensus më të gjerë.. në kampin opozitar nuk ka pasur pajtueshmëri dhe mendoj që goxha shumë këto ditët e fundit janë zvogëluar shanset që Kuvendi të shpërndahet”, ka thënë Konjufca.
Të tjera nga Kosova
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë