Kosova
AAK-ja: Qeveria s’ka punuar në lehtësim të votimit nga diaspora
Deri më tani nuk ka asnjë marrëveshje ndërshtetërore për të mundësuar votimin e qytetarëve të Kosovës në ambasada, siç thotë ligji, shprehet Besnik Tahiri i AAK-së
![](https://www.albinfo.ch/wp-content/uploads/2023/08/besnik-tahiri-396x396.jpg)
Aleanca për Ardhmërinë e Kosovës sot e ka akuzuar Qeverinë Kurti se nuk ka punuar në lehtësim të procesit të votimit nga diaspora, siç parashihet me Ligjin për Zgjedhjet e Përgjithshme. Në një konferencë për media të mërkurën, shefi i Grupit Parlamentar të AAK-së, Besnik Tahiri, e ka cilësuar “skandal” gjendjen në këtë aspekt, përcjell albinfo.ch.
Tahiri është shprehur se Qeveria nuk ka ndërmarrë veprimin që t’ua mundësojë votimin diasporës nëpërmjet kutive postare nëpër ambasada. Ai ka thënë se në vend të 50 centëve për votë, sërish diaspora duhet të paguajë nga 70-80 euro.
“Votimi jashtë vendit për vëllezërit dhe motrat tona nga diaspora vazhdon të manipulohet duke e penguar zbatimin e Ligjit për Zgjedhje të Përgjithshme, i cili ka hyrë në fuqi në korrik të vitit të kaluar. Janë bërë 9 muaj që kur ky ligj ka hyrë në fuqi e nuk është ndërmarrë asnjë veprim për të mundësuar votimin e vëllezërve dhe motrave tona sipas këtij ligjit. Deri më tani nuk ka asnjë informatë asnjë marrëveshje ndërshtetërore për të mundësuar votimin e qytetarëve të Kosovës në Ambasada siç thotë ligji. Ligji i ri kërkon që të krijohet një kuti postare ku diaspora do të mund të votojë dhe pastaj këto vota që do të paguheshin me 50 centë të shkonin në atë kuti që do të ambalazhohej nga Ambasada e do të menaxhohej nga KQZ-ja në mënyrë që vota të vijë në Kosovë”, ka thënë Tahiri.
Sipas tij, për AAK-në kjo “është krim”.
Ai ka thënë se kryeministri Albin Kurti “e ka kuptuar që diaspora ka qenë e mashtruar dhe ai e di se votimi e mbështetja qytetare s’janë më për të”.
Ndërkaq deputetja e AAK-së, Time Kadrijaj, ka thënë se “është shqetësuese, sepse Kurti e ka marrë votën popullore e mbi 90 mijë vota nga diaspora”.
“Kanë kaluar tre vjet qeverisjeje dhe ne ende çdo vit e kemi në agjendë legjislative, ligjin për diasporë. Dhe çdo vit nuk sillet. Nuk e di me çfarë premtimesh tash z. Kurti do t’i mashtrojë qytetarët që kanë kontribuuar në krejt proceset”, ka thënë ajo.
Tahiri po ashtu ka thënë se AAK-ja nuk e mbështet shpërndarjen e Kuvendit, por kërkon shkarkimin ose dorëheqjen e kryeministrit Albin Kurti.
“Aleanca nuk e bën këtë sepse është taktikë që të shkohet në mes të korrikut, kur mendon se e ka diasporën këtu dhe kur mendon të ikë nga përgjegjësitë e dështimit që ka bërë”, ka thënë ai.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë