Të tjera
Shqiptarja sulmohet me thikë në Angli pasi la fëmijët në shkollë
![](https://www.albinfo.ch/wp-content/uploads/2016/06/policiabritanike-587x339.jpg)
Një grua shqiptare u godit me thikë jashtë një shkolle fillore në Angli, menjëherë pasi la fëmijët e saj në institucionin arsimor.
Sipas mediave të huaja, gruaja shqiptare që mendohet se jetonte aty pranë, u godit me thikë në mënyrë të përsëritur, ndërsa në vendin e ngjarjes u krijua një pellg gjaku.
Ajo u dëgjua duke bërtitur: ‘Më ndihmo, më ndihmo… po humbas gjak’.
Policia e Bedfordshire konfirmoi se ajo u dërgua në spital me lëndime të rënda pas sulmit pranë një shkolle në Dunstable Road, Luton, pak pas orës 8:30 të mëngjesit të sotëm.
Një burrë u arrestua pak më pas lidhur me ngjarjen e rëndë.
Banorët e zonës thanë se viktima kishte pasur probleme me një burrë, ndoshta ish-bashkëshorti, i cili ishte paraqitur në adresën e saj dhe ishte bërë i dhunshëm.
Një burrë tha sot: ‘Ishte e tmerrshme, brutale. Gruaja u ndoq në rrugë nga një burrë, i cili e kapi nga fyti dhe më pas i mbylli gojën me dorë për ta ndaluar të bërtiturat.
Më pas ai e goditi atë disa herë me thikë në të gjithë trupin e saj, duke e bërë atë të rrëzohej në rrugë.
Një nënë tjetër tha: “E pashë gruan të shtrirë në trotuar. Ajo po qante dhe bërtiste ‘më ndihmo, më ndihmo’”.
“Ajo gjithashtu bërtiste ‘Po më humb gjaku’”, shtoi ajo.
“Unë njoh njerëz afër vendit ku ajo jeton dhe me sa duket, është me origjinë nga Shqipëria. Ajo jeton me fëmijët e saj që shkojnë në shkollën lokale.
“Ajo u sulmua menjëherë pasi i kishte lënë fëmijët në shkollë”.
Policia ka thënë se fëmijët ishin të sigurt në shkollë.
Oficerët e Policisë po hetojnë për zbulimin e rrethanave të ngjarjes.
Një zëdhënës i policisë tha: ‘Policia e Bedfordshire po heton therjen me thikë të një gruaje pranë një shkolle në Dunstable Road, Luton pak pas orës 8:30 të mëngjesit të sotëm’.
“Viktima është dërguar në spital me lëndime të rënda. Një person është arrestuar dhe aktualisht ndodhet në paraburgim nga policia”, thuhej në njoftim.
“Të gjithë fëmijët janë të sigurt brenda shkollës dhe nuk ka asnjë kërcënim më të gjerë për publikun. Policia do të mbajë një prani të fortë në zonë për siguri”, përfundonte njoftimi./euronews
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë