Kosova
Hapet në Toronto Java e Kulturës së Kosovës
![](https://www.albinfo.ch/wp-content/uploads/2024/05/441546656_10224069866911409_3535761714636292213_n-e1716149044432-587x349.jpg)
Mbrëmjen e së shtunës në Toronto është hapur Java e Kulturës së Kosovës në Kanada me një koncert të tenorit Ramë Lahaj.
Në ceremoni ka marrë pjesë ministrja e Punëve të Jashtme dhe Diasporës, Donika Gërvalla, e cila përmes një postimi në rrjetin social “Facebook”, ka shkruar se në sallën e mbushur me shqiptarë, por dhe mysafirë kanadezë, nën drejtimin e dirigjentit Bujar Llapaj, Orkestra Filarmonike e Torontos, luajti vepra të ndryshme shqiptare dhe klasike.
“Me emocion dhe përmallim, si një kor madhështor, mbrëmjen e përfunduam duke kënduar së bashku me Ramë Lahajn, tenorin me famë botërore këngën ‘Rrjedh në këngë e ligjërime’. Java e Kulturës e Kosovës në Kanada organizohet nga Ministria e Punëve të Jashtme dhe Diasporës dhe Ambasada e Republikës së Kosovës në Kanada, mbahet në kuadër të 25-vjetorit të shënimit të mikpritjes kanadeze për mbi 7000 refugjatë nga Kosova në vitin 1999 si dhe 15-vjetorin e lidhjes së marrëdhënieve diplomatike mes Republikës së Kosovës dhe Kanadasë dhe gjatë ditëve të ardhshme do të përfshijë shumë aktivitete të ndryshme kulturore. Refugjatët e atëhershëm, sot janë pjesë e rëndësishme e shoqërisë kanadeze. Ata janë ambasadorët më të mirë të Kosovës. Ndërtojnë ura të fuqishme mes Kosovës dhe Kanadasë, por pa harruar asnjëherë vendin e tyre”, ka shkruar ajo, transmeton albinfo.ch.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë