Të tjera
Plagoset kryeministri i Sllovakisë, Robert Fico, në rrezik për jetën
![](https://www.albinfo.ch/wp-content/uploads/2024/05/kryeministri-sllovak-587x297.png)
Kryeministri i Sllovakisë Robert Fico është plagosur nga të shtënat pas një mbledhjeje të qeverisë dhe është dërguar në spital.
Transmetuesi lokal TA3 raportoi se u qëlluan katër të shtëna, njëra që goditi kryeministrin Fico në stomak.
Shërbimet e urgjencës thanë se një helikopter ishte dërguar në qytetin qendror të Sllovakisë, Handlova, ku ishte mbledhur kabineti i Ficos. Një zëdhënëse e spitalit në Handlova tha se Fico kishte qenë i vetëdijshëm përpara se zyrtarët të thoshin se ai po transferohej në kryeqytet, Bratislavë, për trajtim të nivelit më të lartë.
Sipas zyrës së qeverisë, Robert Ficos është në rrezik. “Në këtë moment, ai po transportohet me helikopter në Banská Bystrica, sepse do të duhej shumë kohë për të arritur në Bratislavë për shkak të nevojës së një ndërhyrjeje akute. Orët e ardhshme do të vendosin.”
Këtë e ka bërë të ditur zyra përmes një komunikate për media dhe në llogarinë e kryeministrit në Facebook.
Informacionet e mëparshme nga Denník N thanë se jeta e tij ishte jashtë rrezikut.
Një zëdhënës i ministrisë së brendshme sllovake i tha agjencisë së lajmeve Reuters se një “tentativë për vrasje” ishte kryer.
Të shtënat ndodhën në Handlova, një qytet i vogël rreth 150 kilometra në verilindje të Bratislavës.
Ngjarja ka ndodhur përballë “Shtëpisë së Kulturës” ku lideri populist Fico po takohej me mbështetësit.
Nënkryetari i parlamentit sllovak Lubos Blaha konfirmoi incidentin gjatë një seance të parlamentit, e cila u shty deri në një njoftim të dytë.
Një reporter për një gazetë të përditshme tha se dëgjoi të shtëna dhe më pas pa shpëtuesit që po transportonin kryeministrin 59-vjeçar në një makinë.
Një tjetër dëshmitar i tha agjencisë së lajmeve Reuters se dëgjoi disa të shtëna dhe se pa një burrë të arrestuar nga policia.
Pas të shtënave, partia më e madhe opozitare e Sllovakisë anuloi një protestë të planifikuar kundër reformave të transmetuesit publik të qeverisë, e cila ishte caktuar për të mërkurën në mbrëmje.
Presidentja sllovake Zuzana Caputova dënoi “një sulm brutal dhe të pamëshirshëm” ndaj kryeministrit.
“Jam e tronditur. I uroj Robert Ficos shumë forcë në këtë moment kritik dhe një rikuperim të shpejtë nga ky sulm”.
Presidentja e Komisionit Evropian, Ursula von der Leyen, gjithashtu dënoi sulmin “të poshtër”.
“Akte të tilla dhune nuk kanë vend në shoqërinë tonë dhe minojnë demokracinë, të mirën tonë më të çmuar të përbashkët”.
Fico, kryeministri më jetëgjatë në historinë e Sllovakisë, e filloi mandatin e tij të fundit në tetor 2023, pasi filloi një fushatë për të zvogëluar mbështetjen ushtarake për Ukrainën.
https://x.com/nexta_tv/status/1790737556868403219
?? | URGENTE: La situación del Primer Ministro de Eslovaquia, Robert Fico, es muy grave tras resultar herido en el estómago y el pecho, informan los medios eslovacos. pic.twitter.com/avzPU07GQf
— JICNI en Español (@jicnies) May 15, 2024
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë