Kosova
Kush është gruaja që ju flet shqip kur fluturoni me CHAIR?
Nga prezantuese në radio, në këngëtare e moderatore e disa emisioneve të njohura, ajo njihet si njëri nga zërat më të famshëm në Shqipëri. Kurse, sot mund ta dëgjoni edhe në fluturimet e kompanisë ajrore CHAIR, teksa ju flet në shqip. Bëhet fjalë për Gerta Hetën
![](https://www.albinfo.ch/wp-content/uploads/2024/05/img_20190411_194522_147-1-507x396.jpg)
Gerta Heta që nga viti 1997 është pjesë e pandashme e medias në Shqipëri, kurse nga viti 2006 zëri kryesor i Vodafone. Në një intervistë për albinfo.ch, Gerta ka folur për jetën e saj, nga fillimet e deri më sot. Ajo tregon se si më 2020 u ftua nga kompania zvicerane e fluturimeve CHAIR për t´u bërë zëri zyrtar i saj. Gertën mund ta dëgjoni sa herë udhëtoni me këtë linjë. Ajo ju flet shqip!
Nga prezantuese në Top Albania Radio, në këngëtare
Karrierën e saj Gerta e nisi në Top Albania Radio me emisionin e saj të parë “Një këngë për ty”. Më 1997, kur radioja dëgjohej kudo, zëri i Gertës u bë më i dashuri për dëgjuesit e saj. Ajo mori emrin “Gerta e Top-it” pikërisht nga fansat e saj, emër me të cilin akoma prezantohet në intervista.
Kthesë në karrierë për Gertën ishte kthimi i saj në Shqipëri, pas përfundimit të studimeve për regji televizive në Nju-Jork të SHBA-së. Ajo thotë se atë kohë publiku ishte i etur për frymë të re në muzikë.
“Gjërat kishin ndryshuar në Tiranë gjatë 2 viteve që isha në studime. Top Albania radio ishte shtuar me një simotër, Top Channel. Unë u riktheva në radion e zemrës sime, dhe atë kohë mora dhe propozimin që më ndryshoi deri diku rrjedhën e karrierës. Dj Aldo dhe vëllai im Florian Heta kishin bërë një këngë dhe po kërkonin një vokaliste për ta kënduar. U gjenda në vendin e duhur dhe momentin e duhur. Pranova ftesën nga ta dhe kur kënga „My love“ u transmetua në radio, ajo u kthye në hit përnjëherë“, tregon Gerta.
Koncerte dhe evente të shumta pasuan pas asaj këngë. Kjo e shtyu Gertën të mos ndalej dhe ajo u bë nga prezantuese radiofonike në këngëtare. Gerta lansoi disa këngë të zhanrit dance dhe house, të cilat u mirëpritën nga publiku shqiptar. Ajo mori pjesë në shumë festivale, si: Top Fest, Mikrofoni i Artë dhe në vitin 2006 edhe në Kënga Magjike.
Kur flet për periudhën si këngëtare, Gerta përmend me shumë nostalgji bashkëpunimin me Visar Rexhepin në këngën “Dashuria nuk ka fe”, e cila u pëlqye tej mase nga publiku.
“Në repertorin tim kënga “Dashuria nuk ka fe” është e vetmja që nuk është këngë diskoteke, por një baladë shumë e dashur nga publiku”, thotë ajo.
Gerta hoqi dorë nga muzika më 2010 për t´iu përkushtuar dy vajzave të saj, sot 13 dhe 9 vjeçe.
Si u bë Gerta zëri kryesor i CHAIR në gjuhën shqipe?
Gerta Heta është zëri kryesor i kompanisë telekomunikuese në Shqipëri, Vodafone. Që nga viti 2006 atë mund ta dëgjoni në secilën reklamë të kësaj kompanie. Duke qenë pjesë e pandashme e saj, Gerta sot njihet si zëri më i mirë në Shqipëri.
Për Albinfo.ch Gerta ka treguar se në vitin 2020 ajo u ftua nga drejtuesit e kompanisë ajrore zvicerane CHAIR për t´u bërë zëri i kësaj kompanie që do fliste në shqip, duke treguar instruksionet e sigurisë gjatë udhëtimit. Ajo tregon se si ky veprim u ndihmon më së shumti të moshuarve, të cilën përveç gjuhës së tyre shqipe, nuk njohin asnjë tjetër të huaj.
“Lidhja me CHAIR ka nisur në vitin 2020 kur u kontaktova nga drejtuesit e kompanisë për t´u bërë zëri zyrtar i saj. Ideja se zëri im duke dhënë instruksionet në gjuhën shqipe do regjistrohej në sistemin e secilit avion, më tërhoqi tej mase. Gjithmonë kur hipja në avion mendoja për kategorinë e të moshuarve nga trevat shqipfolëse, të cilën nuk dinë asnjë gjuhë të huaj, se sa bukur do ishte të kishte një zë që do u shpjegonte instruksionet dhe rregullat e avionit në gjuhën e tyre. Jam shumë e lumtur që unë sot jam ai zë”, thotë Gerta.
Gerta sot përveç angazhimeve në reklamat e Vodafone, udhëheq emisionin për shëndetin “Hipokrati”, në Top Channel. Fokus kryesor i saj është familja, ku bashkë me bashkëshortin Matko Djarmatin kanë dy vajza. E madhja, Luna, tashmë është kampione e notit në stilin shpinë për fëmijë. E ardhmja e saj dhe të voglës, Mateas janë prioritet i Gertës.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë