Muzikë
Cili qytet në Zvicër ka më shumë gjasa të presë Eurovision 2025?
![](https://www.albinfo.ch/wp-content/uploads/2024/05/611960280_highres-587x392.jpg)
Pas fitores së Zvicrës në konkursin e këngës në Eurovision 2024, disa qytete zvicerane tashmë po merren në konsiderim që të presin ngjarjen e vitit të ardhshëm.
Pasi një këngëtar zviceran, Nemo, fitoi konkursin mbarëevropian të shtunën në Malmö, Suedi, do të jetë radha e Zvicrës për të organizuar eventin e vitit të ardhshëm, transmeton albinfo.ch.
Megjithatë, ajo nuk do të mbahet në qytetin e lindjes së Nemos, Biel / Bienne.
Kjo për shkak se vetëm qytetet që kanë salla mjaft të mëdha për të mbajtur një aktivitet në shkallë kaq të madhe po merren parasysh.
Kush janë kandidatët?
Një grup pune nga Korporata Zvicerane e Transmetimeve (SSR) “do të fillojë përgatitjet të hënën për të pritur Eurovisionin në Zvicër”, tha transmetuesi publik. “Qytetet e interesuara mund të aplikojnë për këtë ngjarje.”
Deri më tani, vetëm një qytet e ka bërë këtë.
Gjeneva është e para që paraqiti kandidaturën e saj, duke propozuar organizimin e ngjarjes në ekspozitën dhe qendrën e panaireve Palexpo që ndodhet pranë aeroportit, transmeton albinfo.ch.
Ambientet prej afro 32,000 metrash katrorë mund të strehojnë deri në 15,000 spektatorë.
Për shumë vite, Palexpo mbante panairin vjetor të makinave në Gjenevë, përveç ngjarjeve të tjera në shkallë të gjerë.
Cyrihu, Berna dhe Bazeli do të shqyrtoheshin gjithashtu për një ngjarje të tillë, tha transmetuesi, pasi të gjithë kanë vende mjaft të mëdha dhe infrastrukturë të mirë, shkruan thelocal.
Në fund, do t’i mbetet SSR-së që të vendosë për vendin dhe qytetin më të përshtatshëm, i cili do të korrë të gjitha përfitimet financiare që vijnë nga ekspozimi global ndaj një audience prej qindra mijëra shikuesish televiziv dhe të ardhurat e krijuara nga vizitorët ndërkombëtarë.
Ku mbahej Eurovizioni në të kaluarën?
Zvicra e fitoi konkursin dy herë më parë, dhe për këtë arsye e priti atë dy herë më shumë.
Në vitin 1956, kur Lys Assia fitoi me këngën e saj “Refrain”, veprimtaria u mbajt në Teatro Kursaal në Lugano.
Më pas, në vitin 1989, një vit pasi Céline Dion përfaqësoi Zvicrën (dhe fitoi) me “Ne partez pas sans moi”, veprimtaria u mbajt në Palais Beaulieu në Lozanë.
Asnjëra nuk është mjaft e madhe tani për të pritur Eurovizionin.
Të tjera nga Muzikë
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë