Të tjera
Qeveria e re serbe kthen në funksione shtetërore Vulinin e sanksionuar
![](https://www.albinfo.ch/wp-content/uploads/2022/04/geo-zavod-4569751_1920.jpg)
Kryeministri i mandatuar i Serbisë, Millosh Vuçeviq, prezantoi përbërjen e re të qeverisë së tij. Ajo që bie në sy është rikthimi i Aleksandër Vulin, i cili do të mbajë postin e zëvendëskryeministrit.
Ish-kryespiuni serb u largua nga të gjitha funksionet vitin e kaluar, pasi Thesari Amerikan e përfshiu atë në listën e zezë, duke e sanksionuar për shkak të politikave destabilizuese në Ballkan, por edhe bizneseve të paligjshme me kriminelë.
Pavarësisht se është i padëshiruar nga Shtetet e Bashkuara, Vulin është tepër i dëshiruar nga Rusia, me presidentin Vladimir Putin që e dekoroi atë me urdhrin e miqësisë, këtë janar, transmeton A2, përcjell albinfo.ch.
Nuk dihet nëse rikthimi i tij në qeverinë serbe ka lidhje me ndonjë ndikim nga Moska drejt Beogradit zyrtar. Për ministër të Jashtëm Vuçeviq zgjodhi këtë personazh.
Bëhet fjalë për Marko Gjuriq, që mban postin e ambasadorit të Serbisë në Shtetet e Bashkuara të Amerikës.
Ai është një personazh mjaft i njohur në Kosovë, pasi tentoi të sfidonte autoritetet duke hyrë ilegalisht kur mbante postin e drejtorit të të ashtuquajturës zyrë për Kosovën në qeverinë serbe.
Ivica Daçiq është shpërblyer me postin e ministrit të Brendshëm, pavarësisht se në zgjedhjet e fundit mori një rezultat tepër të dobët
Për ta pasuar në drejtim të Ministrisë së Mbrojtjes, Vuçeviq ka zgjedhur Bratislav Gashiq. Ky i fundit ka udhëhequr Agjencinë e Inteligjencës dhe të Sigurisë për 5 vjet.
Vuçeviq gjatë prezantimit të emrave nënvizoi se qeveria e re do të ruajë interesat kombëtare.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë