Lajme
I dënuari për vrasjen e dyfishtë në Bazel: Nuk e dija se armët ishin të vërteta!
I dënuari nuk e dinte se armët që kishin përdorur për të sulmuar restorantin ishin të vërteta. Kishte supozuar se ato ishin armë të rreme, frikësuese.
![](https://www.albinfo.ch/wp-content/uploads/2017/03/vrasja-e-dyfishte-bazel-302318986-587x392.jpg)
Ka përfunduar dita e parë e gjykimit ndaj shqiptarit të dyshuar për vrasje të dyfishtë, në Bazel. Procesi gjyqësor ndaj shtetasit shqiptar, të akuzuar për pjesëmarrje në vrasjen e dyfishtë, të ndodhur në vitin 2017, u zhvillua nën masa të larta sigurie dhe tërhoqi interes të madh nga publiku, transmeton albinfo.ch. I akuzuari 53-vjeçar gjatë marrjes në pyetje ka mohuar çdo faj.
Në ditën fatale ai ishte thjesht një mysafir në Café 56, thotë i akuzuari. Sipas deklarimit të tij, ai nuk kishte të bënte me të shtënat.
Më tutje, në ditën e parë të gjykimit, dy ekspertë kanë dhënë informacionet përkatëse për armët e përdorura në krim. Pyetja që i interesonte dhomës pesanëtarëshe të Gjykatës Penale ishte se sa armë janë shkrepur, shkruan 20minuten.ch. Asnjëri nga specialistët nuk mundi t’i përgjigjej kësaj me siguri.
Një dëshmitar që u ka mbijetuar të shtënave në Café 56 ka deklaruar gjatë marrjes në pyetje se ka boshllëqe në kujtesë. Ai nuk mund të thoshte më se sa persona kanë qëlluar dhe gjithashtu ka deklaruar se nuk i njihte mysafirët në kafene apo autorët e dyshuar.
Krimi ka ndodhur thuajse para syve të policisë. Kafeneja ishte tashmë nën mbikëqyrje për shkak të krimeve të dyshuara të drogës. Videoja u transmetua në sallën e gjyqit. Aty shihet restoranti nga jashtë dhe momenti i të shtënave, me ç`rast dridhet në dritare. Pas disa sekondash shjihet i akuzuari se del nga lokali.
Bashkëpunëtori, i cili tashmë është dënuar me burgim të përjetshëm për vrasjen e dyfishtë në një gjykim të mëparshëm, ishte më i gatshëm të jepte informacion të hënën.
Ai, tashmë në cilësinë e dëshmitarit, e ka inkriminuar rëndë të akuzuarin (aktual) shqiptar. Sipas tij, ai e ka shtyrë të kryejë krimin, transmeton albinfo.ch. Dy personat kishin dashur vetëm të frikësonin njerëzit në kafene në atë kohë, sepse njëri nga të pranishmit aty i kishte borxh 53-vjeçarit 60,000 franga, tha ai. Sipas të dënuarit, këto ishin para droge. Meqë ai i kishte një borxh të akuzuarit të tashëm, ai kishte pranuar të bënin këtë së bashku. Megjithatë, tashmë i dënuari nuk e dinte se armët që kishin përdorur për të sulmuar restorantin ishin të vërteta. Ai ka thënë se supozoi se ato ishin armë të rreme, frikësuese.
Edhe pranimi i veprës që ai e kishte bërë pak orë pas krimit ka qenë gjithashtu vetëm një favor. Në atë kohë ai kishte frikë për hakmarrje ndaj vëllait të tij, i cili ka vdekur, disa muaj më parë, pra, shumë pas krimit në Bazel, përcjell albinfo.ch. Për këtë arsye ai tani mund të flasë lirshëm.
“Kjo është e vërteta e vetme. Ne kurrë nuk kemi dashur të vrasim dikë, kjo nuk ka të bëjë fare me mafien”, tha ai të hënën.
Me marrjen në pyetje të tij, ka përfunduar dita e parë e gjykimit. Seanca do të vazhdojë të martën, nga ora 08.15.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë