Kosova
NATO shton trupat dhe artilerinë e rëndë në Kosovë
![](https://www.albinfo.ch/wp-content/uploads/2022/06/475186123_highres.jpg)
Raportohet se komandanti Suprem i NATO-s për Evropën, gjenerali Christopher Cavoli, ka thënë se aleanca ushtarake ka vendosur të forcojë forcat rezervë brenda misionit në Kosovë (KFOR) dhe në Bosnjë e Hercegovinë (EUFOR Altea) për shkak të përshkallëzimeve të mundshme, përcjell albinfo.ch.
Cavoli më 11 prill ka raportuar në një seancë dëgjimore para Komitetit të Forcave të Armatosura të Kongresit Amerikan.
Ai ka thënë se pas analizës së plotë, kanë vendosur që KFOR-it i duhen më shumë trupa dhe më shumë artileri.
“Pasi kemi bërë analizën e plotë të KFOR-it, kemi arritur në përfundimin se na duhen jo vetëm më shumë forca, por edhe forca më të rënda. Ky proces është në vazhdim. Ne do të sjellim më shumë pajisje të rënda ushtarake në terren, si dhe më shumë njerëz”, ka thënë Cavoli.
Cavoli ka bërë të ditur se dy misione janë nisur me qëllim të mbledhjes të sa më shumë informacioneve dhe kuptimit më të mirë të ngjarjeve në Kosovë dhe Bosnjë e Hercegovinë.
Gjenerali i NATO-s thekson se tensionet etnike në Bosnjë e Hercegovinë kanë gjithashtu potencial për të përshkallëzuar dhe destabilizuar rajonin e Ballkanit Perëndimor.
Ai ka deklaruar se aktivitetet e Rusisë për nxitjen e tensioneve mes boshnjakëve, serbëve dhe kroatëve kanë për qëllim dobësimin e vendit dhe prishjen e lidhjeve me Bashkimin Evropian dhe NATO-n.
“Politika etno-nacionaliste e pengon Bosnjë e Hercegovinën të miratojë reformat e nevojshme politike, ligjore dhe ekonomike që do të përmirësonin integrimin e saj euroatlantik”, ka theksuar gjenerali amerikan.
Sipas tij, etniteti serb i Bosnjës po përpiqet ta dobësojë pushtetin shtetëror.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë