Lajme
Tesla shënon rënie për herë të parë pas 4 vjetësh
![](https://www.albinfo.ch/wp-content/uploads/2021/08/tesla.jpg)
Tesla regjistroi rënie tremujore të dërgesave për herë të parë në thuajse katër vjet, duke zhgënjyer vlerësimet e Wall Street – tregues që efektet e shkurtimeve të çmimeve po dobësohen, ndërkohë që shtëpia automobilistike po lufton kundër rritjes së konkurrencës dhe kërkesës më të ulët.
Aksionet e Tesla ranë me 5.7% në fillim të tregtimit, duke iu shtuar humbjes së vlerës prej thuajse 30% të regjistruar këtë vit.
Shtëpia automobilistike me vlerën më të lartë në botë dërgoi rreth 386.810 makina në tre muaj deri më 31 mars, në rënie prej 20.2% krahasuar me tremujorin e mëparshëm. Në periudhën e analizuar, Tesla prodhoi 433.371 makina.
Sipas 18 analistëve të anketuar nga Visible Alpha, Wall Street priste që Tesla të dërgonte mesatarisht 454.200 automjete.
Dërgesat e shtëpisë automobilistike elektrike u tkurrën me 8.5% krahasuar me një vit më parë. Hera e fundit që Tesla pati regjistruar rënie të shitjeve ishte në tremujorin e dytë 2020, kur pandemia Covid-19 detyroi shtëpinë automobilistike të ndalte prodhimin.
Kompania deklaroi se rënia e vëllimit vjen pjesërisht për shkak të përpjekjeve për të përgatitur fabrikën në Fremont në Kaliforni që të rrisë prodhimin e Model 3 të azhurnuar dhe mbylljes së fabrikës në Berlin, si rezultat i devijimeve të dërgesave të shkaktuara nga konflikti në Detin e Kuq.
Tesla është përballur me konkurrencë të fortë në Kinë nga aktorët vendas, duke përfshirë liderin e tregut BYD, i cili ka lënë pas kompaninë amerikane si prodhuesi më i madh i makinave elektrike në tremujorin e katërt dhe hyrjen e re Xiaomi.
Megjithatë, kompania e cila drejtohet nga Elon Musk, ia ka dalë të lërë pas BYD, që ka shitur rreth 300.000 makina elektrike me bateri gjatë tremujorit.
Tesla dërgoi 369.783 Model 3 dhe Model Y dhe rreth 17.000 njësi të modeleve të tjera, duke përfshirë Model S sedan, Cybertruck dhe Model X premium SUV.
Në janar, Tesla paralajmëroi për një rritje të shitjeve “dukshëm më të ulët” këtë vit, pasi është përqendruar në prodhimin e automjetit elektrik të gjeneratës së ardhshme./Reuters
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë