Kosova
Talat Xhaferi, në vizitën e parë në Kosovë si kryeministër
![](https://www.albinfo.ch/wp-content/uploads/2024/03/img_9915-587x392.jpeg)
Kryeministri i parë shqiptar në Maqedoninë e Veriut, Talat Xhaferi, ka vizituar sot Kosovën, pa një axhendë të caktuar, përcjell albinfo.ch.
Ai mbajti ligjëratë për studentët me temën “Marrëdhëniet miqësore ndërmjet Republikës së Kosovës dhe Republikës së Maqedonisë së Veriut”.
Rektori i Kolegjit AAB, Blerim Olluri, i uroi mirëseardhje Xhaferit në emër të stafit të institucionit, duke shprehur vlerësimin e lartë për kontributin dhe angazhimin e kryeministrit ndër vite për Kosovën dhe qytetarët e saj.
Xhaferi përveç ligjëratës zhvilloi takime edhe me Këshillin Drejtues të Kolegjit AAB.
“Kolegjin AAB e kanë vizituar shumë personalitete të jetës publike dhe politike, shkrimtarë, artistë e poetë eminentë, por prezenca juaj është e rëndësisë së veçantë dhe domethënëse e motivuese veçanërisht për studentët tanë”, u shpreh Olluri.
Kryeministri Xhaferi tha se “është kënaqësi e veçantë të gjendet para stafit dhe studentëve të Kolegjit AAB, në ambientet e bukura, i rrethuar me intelektualët aktualë dhe të ardhshëm të vendit mik, fqinj dhe mbi të gjitha vëllazëror, Kosovës”.
Tutje ai në ligjëratën e tij foli për marrëdhëniet që gëzojnë ndër vite dy republikat, ajo e Kosovës dhe e Maqedonisë së Veriut, të cilat janë trashëguar brez pas brezi me të gjitha sfidat, të përbashkëtat dhe çdo proces tjetër të rëndësishëm për dy palët.
“Bashkërisht gjenerata të tëra kanë renditur kontributet e tyre për shtetndërtim dhe ne kemi të kaluar të përbashkët. Historia jonë është e dhimbshme dhe e hidhur për pasojat që ka lënë dhe përjetimet që i kemi pasur të gjithë. Sot me rastin e shënimit të marsit të lavdishëm për 26-vjetorin e epopesë së UÇK-së, kam pranuar ftesën që të jem në këtë periudhë në Kosovë dhe kjo më kthen pas tek ato vite”, tha Xhaferi.
Si shenjë mirënjohje për praninë e tij kryeministrit Xhaferi iu dhurua një pikturë nga studentja e Fakultetit të Arteve në Kolegjin AAB, Fortesa Berisha, kurse pati edhe shumë pyetje të parashtruara nga studentët që ndërlidheshin me integrimin e dy shteteve në BE, thellimin e raporteve, bashkëpunimin ekonomik, kulturor dhe arsimor etj.
Nuk është njoftuar se Xhaferi do të pritet nga kryeministri Kurti ose drejtuesit e tjerë të institucioneve të Kosovës.
I pyetur para disa ditësh pse nuk e ka vizutuar ende Kosovën, Xhaferi kishte deklaruar se “nuk mund të shkosh në dasmë pa ftesë”.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë