Lajme
Ndërmarrësi zviceran, një javë me anije nëpër Mesdhe, me 800 punëtorët dhe familjet e tyre
Ruedi Noser, pronar dhe kryetar i bordit të drejtorëve të kompanisë së IT-së, pret që anija të ketë rreth 1000 kabina, që zënë afërsisht 2000 persona
![](https://www.albinfo.ch/wp-content/uploads/2018/08/visuals__neue-aida-schiffsgeneration-002-587x330.jpg)
Ish-deputeti i Dhomës së Kantoneve të Parlamentit të Zvicrës, Ruedi Noser (FDP) merr me qira një anije lundrimi për të gjithë punonjësit e tij, transmeton albinfo.ch. Një javë në Mesdhe për punonjësit e kompanisë së tij pra – përfshirë familjet e tyre.
Kompania “Noser Group” po feston 40 vjetorin e krijimit – dhe këtë po e bën për një javë të tërë në Mesdhe. Kompania ka marrë me qira një anije të tërë lundrimi (“Kroçerë”) posaçërisht për këtë qëllim. Sepse në festimin e përvjetorit nuk marrin pjesë vetëm punonjësit por edhe familjarët e punonjësve të “Noser Group”, shkruan “Tages-Anzeiger”.
Përafërsisht 800 punonjës aktualisht kanë mundësinë të regjistrohen për të qenë pjesë e këtij festimi. Ruedi Noser, pronar dhe kryetar i bordit të drejtorëve të kompanisë së IT-së, pret që të anija të ketë rreth 1000 kabina, që korrespondon afërsisht me 2000 persona.
Sipas ftesës, “aktivitete të paharrueshme presin pjesëmarrësit, si në bordin e anijes ashtu edhe në tokë” në anijen turistike në Mesdhe, transmeton albinfo.ch. Anija do të niset nga Gjenovë në fillim të tetorit. Pasi do të vizitojë destinacione si Mallorca, Marseille dhe Barcelona, ajo kthehet sërish në qytetin portual të Italisë veriore (Gjenovë) një javë më vonë.
Sipas CEO Herbert Ender, ata duan t’u japin punonjësve një përjetim social. “Kjo na duket e rëndësishme pas kufizimeve gjatë periudhës së Koronës.
Të ngjashme
Të tjera nga Lajme
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë