Kosova
PDK feston 16-vjetorin e Pavarësisë në Zvicër
Kryetari i Partisë Demokratike të Kosovës, Memli Krasniqi, i shoqëruar nga zyrtarët e lartë të partisë, Enver Hoxhaj, Elmi Reçica, Bajrush Xhemajli, Vlora Çitaku, Blerta Deliu-Kodra, Ramiz Lladrovci, Arbnora Salihu dhe të tjerë kanë marrë pjesë në tubimin për nder të 16-vjetorit të Pavarësisë së Kosovës, organizuar nga dega e PDK-së në Zvicër, me kryetar Ragip Xhakën.
Organizimi u mbajt në Wydenof Arena.
“Duke mos harruar të gjithë ata veprimtarë, ato familje nga mërgata dhe duke përkujtuar heronjtë dhe dëshmorët e kombit, zotohemi që do të japim gjithçka për demokratizimin e vendit tonë. Duke shpresuar që vitin tjetër do të festojmë me Hashim Thaçin”, u shpreh kryetari i degës së PDK-së në Zvicër.
“Urime të përzemërta nga Taulanti dhe Graniti”, vazhdoi tutje Xhaka.
Gjatë këtij manifestimi, kryetari i PDK-së ,Memli Krasniqi, tha se mërgimtarët janë shtylla e kombit dhe e shtetit tonë, edhe pse të shpërndarë në mbarë globin.
“Edhe pse larg atdheut, ju keni sakrifikuar gjithçka për të mbajtur gjallë ëndrrën për liri, pavarësi dhe shtetndërtim. Sot, unë qëndroj me krenari përkrah emigrantëve tanë të suksesshëm në çdo cep të botës – individëve që i kanë sjellë nder dhe lavdi emrit të Kosovës dhe kombit shqiptar përmes punës se paepur dhe suksesit maksimal. Të gjithë, pa përjashtim, me mburrje thonë se janë nga Kosova: nga Granit e Taulant Xhaka, Xherdan Shaqiri e deri te Dua Lipa dhe Rita Ora. Kjo është krenari dhe këtë askush nuk mund të na e marrë”, tha Krasniqi.
Në këtë përvjetor të pavarësisë, Kryetari Krasniqi përmendi edhe mungesën e madhe të burrë shtetasve, Hashim Thaçi, Kadri Veseli dhe shokëve të tyre.
Të pranishmit i përshëndetën me një fjalë edhe deputeti Elmi Reçica, Kryetar i Komisionit për Organizimin e PDK-së në Mërgatë, si dhe Arbnora Salhiu, Kryetare e Rinisë Demokratike të Kosovës.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë