Kosova
Në Londër festohet 16-vjetori i Pavarësisë së Kosovës
![](https://www.albinfo.ch/wp-content/uploads/2024/02/1233123-528x396.jpeg)
Motoja “Bashkimi bën fuqinë”, moto e tri shoqatave së bashku, të cilat mblodhën krijmtarinë e tyre artistike dhe u bashkuan në një organizim unik për 16-vjetorin e Pavarësisë së Kosovës, përcjell albinfo.ch.
Koncerti nisi me dy himnet.
“Ardhmëria”, “Arbëria” dhe “Kosovar Albanian Youth Against Violence” ( KAYAV) u paraqitën me një program gjithpërfshirës, ku spikati energjia e gjuhës shqipe si me recitime dhe këngë, po ashtu edhe me fuqinë e traditës kulturore, duke tundur skenën nga vallet e bukura të trevave të ndryshme shqiptare.
Aktivitetin e përshëndetën Ambasadori i Republikës së Shqipërisë, z.Uran Feriza, përfaqësuesja e Ambasadës së Kosovës, znj. Arta Qehaja si dhe përfaqësuesja angleze Mayor, Councillor Nagus Narenthira e shoqëruar nga z. Kan Narenthira. Të pranishëm gjithashtu në aktivitet ishin edhe sekretaria e parë e Ambasadorit të Shqipërisë, z.Mamica Toska si edhe Kolonel Argon Bajrami nga Ambasada e Kosovës.
Një spektakël më vete entuziazmi i publikut, i cili e mbushi sallën e madhe, në “Ashmole Academy”, Londër, ku edhe është ambienti në të cilin mësojnë gjuhën dhe kulturën shqipe nxënësit e shoqatës “Arbëria”. Shoqatë e cila mundësoi organizimin e kësaj feste në shtëpinë e saj.
Ishin të ftuar përfaqësues të lartë nga ambasadat përkatëse të Kosovës dhe Shqipërisë në Londër.
Përshëndetën komunitetin drejtuesit e shoqatave z. Lutfi Vata, znj. Rozana Hykaj, znj. Matilda Halili, znj. Rema Duli.
Programi i bukur artistik, ku të gjithë fëmijët dhe rinia, e cila përfaqësonte këto tri shoqata, emocionoi çdo pjesëmarrës në sallë.
Pjesët e përzgjedhura kishin tematikë patriotike dhe kulturore shqiptare.
Kostumet, muzika dhe interpretimi mbante energjinë e një populli, i cili edukon brezin e ri me dashurinë për atdheun edhe përtej kufirit këtu në Diasporën londineze.
Në veçanti, poezia “Republika” me autore Naime Beqiraj, e interpretuar me një forcë madhështore nga aktorja Ina Nallbani, ngriti zemrat peshë. Ajo poezi ishte edhe në shënjë nderimi për kontributin e femrës kosovare në luftën për çlirim dhe në vazhdim sot si kontribuese e vyer e Kosovës.
Një tjetër surprizë e shkëlqyer, interpretimi në violinë nga artisti Kastriot Xhon Marku, i cili edhe këndoi së bashku me prezantuesen znj. Anila Gremi këngën “E ku ka si ti, moj Shqipëria ime”. Këngë e cila mbylli këtë koncert madhështor në Londër.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë