Lajme
Rusia: “E pakuptimtë” që zviceranët të presin samitin e paqes në Ukrainë
![](https://www.albinfo.ch/wp-content/uploads/2022/03/512912095_highres.jpg)
Ambasadori rus në Bernë tha në një intervistë të publikuar të dielën, që Zvicra të presë bisedimet e paqes për Ukrainën do të ishte “e pakuptimtë”.
Në Forumin Ekonomik Botëror në Davos javën e kaluar, presidenti i Ukrainës, Volodymr Zelensky, i kërkoi Zvicrës të organizonte një samit paqeje.
Zvicra neutrale ka vepruar si ndërmjetës për zgjidhjen e konflikteve ndërkombëtare në të kaluarën. Ambasadori rus, Sergei Garmonin, megjithatë, i tha gazetës SonntagsZeitung se një samit i paqes në Ukrainë pa pjesëmarrjen e Moskës do të ishte “i dënuar të dështonte”, transmeton albinfo.ch.
Garmonin kritikoi Zvicrën, duke thënë se vendi mbështeti vazhdimisht “linjën antiruse të Perëndimit kolektiv” dhe duke treguar solidaritet me Ukrainën “kishte humbur rolin e saj si një ndërmjetës i paanshëm ndërkombëtar”.
“Plani i paqes prej dhjetë pikash i Zelenskiy nuk ishte një bazë për të hyrë në dialog, sepse përmbante një sërë ultimatumesh kundër Rusisë. Nuk mund të flasësh me Rusinë në gjuhën e ultimatumeve”, ka thënë ai, shkruan swissinfo.
Ndryshe, ai deklaroi se kërkesat ruse për t’u marrë parasysh përfshijnë se “Ukraina duhet të bëhet një vend neutral, i paangazhuar, pa armë bërthamore dhe që respekton të drejtat dhe liritë e njeriut të të gjithë qytetarëve dhe grupeve kombëtare në territorin e saj”.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë