Integrimi
Bashkim Iseni emërohet në Komisionin Federal të Migracionit
![](https://www.albinfo.ch/wp-content/uploads/2023/12/bashkm-iseni-587x391.jpeg)
Themeluesi i platformës Albinfo.ch, njëherësh drejtor i Zyrës për integrim të qytetit të Lozanës, është zgjedhur në cilësinë e ekspertit në këtë komision ekstraparlamentar të planit të parë zviceran.
Këshilli Federal sapo ka rinovuar anëtarët e komisioneve të tij jashtëparlamentare për periudhën 2024-2027.
Delegati i integrimit për qytetin e Lozanës, Bashkim Iseni, është emëruar në Komisionin Federal të Migracionit (EKM-CFM).
Ai u propozua në këtë post nga Komiteti i Konferencës Zvicerane të Delegatëve të Integrimit, ku ai përfaqëson qytetin e Lozanës. Qyteti i Lozanës është i gëzuar me këtë emërim, njofton zyra për komunikim e këtij qyteti.
Në fakt, Lozana, si qytetet e tjera zvicerane, është në vijën e parë në pritjen e migrantëve. Ky emërim do të kontribuojë në diskutimet në nivel kombëtar, duke ndarë përvojën dhe sfidat me të cilat përballet qyteti në fushat e integrimit dhe migracionit.
Komisioni Federal i Migracionit (Eidgenössische Migrationskommission EKM) përbëhet nga 30 ekspertë në fushën e migracionit, të emëruar nga Këshilli Federal.
Mandati i tij është të fokusohet në çështjet sociale, ekonomike, kulturore, politike, demografike dhe ligjore që lindin në Zvicër në lidhje me lëvizjet ndërkombëtare migratore. Temat e mbuluara variojnë nga mbrojtja e refugjatëve dhe migrimi për motive punësimi te çështjet transnacionale dhe kohezioni social.
Përndryshe, Bashkim Iseni është po ashtu anëtar i Komitetit të Konferencës zvicerant të delegatëeve të integrimit si dhe anëtar i Komitetit ekzekutiv të koalicionit të qyteteve evropjane kundër racizmit (ECCAR).
Të tjera nga Integrimi
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë