Kosova
Kryeministrja italiane i kërkoi Vuçiqit njohjen e Kosovës
![](https://www.albinfo.ch/wp-content/uploads/2023/12/meloni-587x313.jpg)
Kryeministrja e Italisë, Giorgia Meloni, gjatë vizitë së saj në Serbi i ka përsëritur presidentit serb, Aleksandër Vuçiq, mbështetjen e Italisë për hyrjen e Serbisë në Bashkimin Evropian, por në këmbim kërkoi njohjen e Kosovës, edhe në zonën ku është i pranishëm minoriteti serb, sipas medias italiane La Repubblica.
“Në të njëjtën kohë, Vuçiq kërkoi të përshpejtohet procesi i hyrjes së Serbisë në Evropë, në dritën e nacionalizmit të ekstremit të djathtë që edhe ai, një nacionalist në çdo rast, e ka gjithnjë e më të vështirë për ta kontrolluar: vrasja e një polici ishte e mjaftueshme pikërisht në Kosovë, për të ngritur tensionin me përleshje në kufi, ku ishte përfshirë edhe kontingjenti paqeruajtës italian”, thuhet në njoftim, përcjell albinfo.ch.
Meloni e ka përsëritur qartë linjën, pasi i kërkoi privatisht Vuçiqit një përpjekje për çështjen e Kosovës, e cila është shumë shqetësuese për BE-në.
“Ne kemi qenë dhe do të vazhdojë të jetë ndër mbështetësit kryesorë të procesit të zgjerimit: gjithmonë e kam cilësuar si ‘ribashkimin e Evropës’”, ka shkruar ajo.
Ajo është shprehur se ajo zonë është thelbësore për Evropën, e cila nuk mund të thuhet se është vërtet e bashkuar derisa Ballkani Perëndimor të ketë hyrë në familjen evropiane, teksa i ka lënë Vuçiqit një mesazh jo vetëm për Kosovën, por edhe për marrëdhëniet me Rusinë.
“Integrimi evropian i Ballkanit Perëndimor është një rrugë që ne duhet të vazhdojmë ta ndjekim, edhe sepse është thelbësore të garantojmë këtë rajon”, ka thënë ajo.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë