Lajme
Kërkohet armëpushim real në Gaza
![](https://www.albinfo.ch/wp-content/uploads/2023/10/586596950_highres-587x392.jpg)
Me gjithë shpresën që mund të ketë sjellë me vete armëpushimi mes Hamasit dhe Izraelit, OKB ngre kambanat e alarmit për situatën humanitare në Gaza.
Sekretari i Përgjithshëm i Organizatës së Kombeve të Bashkuara Antonio Guterres deklaroi sot se banorët që jetojnë në Rripin e Gazës po kalojnë një “katastrofë humanitare monumentale.”
“Populli i Gazës po jeton në mes të një fatkeqësie humanitare monumentale, nën sytë e botës. Ne nuk duhet të shikojmë larg”, theksoi Antonio Guterres teksa iu drejtua Këshillit të Sigurimit.
Më të vegjlit në grupin e pengjeve, Hamasi: Një foshnje 10-muajshe dhe i vëllai 4 vjeç u vranë nga bombardimet
Armëpushimi në Gaza mund të zgjatet, shefi i CIA në Katar
“Janë zhvilluar negociata intensive për zgjatjen e armëpushimit dhe ne i mirëpresim sinqerisht, por besojmë se kemi nevojë për një armëpushim real, humanitar”, shtoi ai, duke kujtuar se 80% e banorëve të Gazës janë zhvendosur që nga fillimi i luftës.
“Sistemi ushqimor është shembur dhe uria po përhapet, veçanërisht në veri,” vuri në dukje ai, duke nënvizuar gjithashtu se situata sanitare në vendstrehime është kritike duke u bërë kështu në një kërcënim serioz për shëndetin publik.
Ndihma që u arrin palestinezëve në Gaza mbetet e pamjaftueshme për të plotësuar nevojat e 2 milionë njerëzve, veçanërisht për karburant, këmbënguli Sekretari i Përgjithshëm, duke bërë thirrje për hapjen e pikave të tjera kufitare në enklavë përveç Rafahut.
“Duhet një armëpushim real,” shefi i OKB-së:
Duke përsëritur dënimin e tij për sulmet e Hamasit ndaj Izraelit më 7 tetor, Guterres bëri thirrje gjithashtu për lirimin të menjëhershëm dhe të pakushtëzuar të të gjithë pengjeve.
Ndërkohë, ministri i Jashtëm palestinez Riyadh al-Maliki i bëri thirrje botës që të sigurohet që “masakrat të mos rifillojnë” në Gaza, pasi Hamasi tha se ishte gati të zgjaste armëpushimin edhe për katër ditë të tjera.
“Izraeli duhet të jetë i bindur se asnjë fuqi në planet nuk mund t’i çrrënjos palestinezët nga Palestina,” shtoi ai.
Nga ana e tij, ambasadori i Izraelit në OKB Gilad Erdan tha se kushdo që mbështet armëpushimin në thelb po mbështet vazhdimin e sundimit të terrorit të Hamasit në Gaza.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë