Kosova
FFK sqaron deklaratën e Muriqit për kontrolle nga policia izraelite
![](https://www.albinfo.ch/wp-content/uploads/2019/10/vedat-muriqi-atti-kosova-kazandi-wmtj_cover-587x367.jpg)
Federata e Futbollit të Kosovës dhe futbollisti Vedat Muriqi kanë dalë me një sqarim për deklaratën e këtij të fundit për kontrollet e shtuara të sigurisë para ndeshjes me Izraelin.
Të shtunën, Muriqi është cituar të ketë thënë se në Aeroportin e Kosovës ka pasur policë nga Izraeli, special për t’i kontrolluar futbollistët e Kosovës.
Sipas FFK-së, Muriqi me këtë deklaratë i është referuar kontrollit të nënshtruar në muajin mars.
“Federata e Futbollit e Kosovës dhe futbollisti i ekipit kombëtar, Vedat Muriqi, sqarojnë opinionin publik se prononcimi në lidhje me kontrollin policor në aeroportin e Prishtinës është keqkuptuar. Në pronocimin e tij të sotëm, futbollisti Muriqi i është referuar kontrollit të nënshtruar në muajin mars, para udhëtimit të ekipit kombëtar të Kosovës për në Tel Aviv dhe e ka ndërlidhur atë rast me nivelin e sigurisë për ndeshjen e 12 nëntorit. Përndryshe Federata e Futbollit e Kosovës është falënderuese për bashkëpunimin e madh të ofruar nga Policia e Kosovës dhe organet e tjera shtetërore në lidhje me aspektin e sigurisë për organizimin e ndeshjes ndaj Izraelit”, thuhet në sqarimin e FFK-së dhe të Muriqit, përcjell albinfo.ch.
Kosova dhe Izraeli luajnë të dielën në mbrëmje në “Fadil Vokrri” në ndeshjen e vlefshme për “Euro 2024”. Takimi ka qenë i paraparë të luhej muajin e kaluar, por u shty për shkak të luftës.
Policia ka ndërmarrë masa të rrepta të sigurisë që nga dita e premte, kur në Prishtinë ka mbërritur përfaqësuesja izraelite.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë