Lajme
Prokurorët zviceranë përfundojnë procedurat kundër shefit të FIFA-s, Infantino
![](https://www.albinfo.ch/wp-content/uploads/2016/02/infantino-zgjidhet-fifa-270651220-587x392.jpg)
Procedurat penale kundër presidentit të FIFA-s, Gianni Infantino, lidhur me marrëdhëniet e tij me ish-prokurorin e përgjithshëm zviceran, Michael Lauber, janë mbyllur, thanë prokurorët zviceranë, një vendim që Infantino e përshëndeti si një justifikim të “FIFA-s së re”, shkruan swissinfo.
Infantino u zgjodh në vitin 2016 për të pastruar organin qeverisës të futbollit botëror me bazë në Cyrih, FIFA, pasi u përfshi në skandale korrupsioni.
Megjithatë, autoritetet zvicerane nisën procedimet kundër vetë Infantinos në vitin 2020 për dyshime për shkelje të fshehtësisë, shpërdorim detyre dhe ndihmë dhe nxitje në lidhje me takimet që ai zhvilloi me Lauber teksa në përfundim të procedurave, prokurorët thanë se hetimet e tyre i kishin “zhvleftësuar” dyshimet e tilla, përcjell albinfo.ch.
Zvicerano-italiani Infantino, i cili kishte mohuar në mënyrë të përsëritur çdo keqbërje, tha se vendimi ishte një “fitore e plotë dhe e qartë për mua, për FIFA-n e re dhe për drejtësinë”.
“Në të vërtetë dhe pa asnjë çudi, hetimi konfirmon plotësisht dhe qartë se unë kam vepruar gjithmonë në mënyrë të ligjshme dhe korrekte, gjithmonë duke mbrojtur ekskluzivisht interesat e FIFA-s dhe futbollit”, tha Infantino.
Autoritetet zvicerane kishin hetuar kontaktet midis Infantino dhe Lauber, i cili dha dorëheqjen si prokuror i përgjithshëm zviceran pasi një gjykatë arriti në përfundimin se ai fshehu një takim me shefin e FIFA-s dhe gënjeu mbikëqyrësit ndërsa zyra e tij hetonte korrupsionin në organin e futbollit.
Prokurorët thanë se hetimi i tyre nuk kishte gjetur asnjë provë se Infantino kishte “instrumentalizuar” Zyrën e Prokurorit të Përgjithshëm të Zvicrës “në veprime apo mosveprime të pazakonta, të pashpjegueshme, të gabuara apo edhe kriminale”.
FIFA tha se kishte vënë në dukje vendimin për të mbyllur procedurat “me kënaqësi ekstreme”.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë