Lajme
Fjalimi mbreslënës i Roger Federer në Kombet e Bashkuara
![](https://www.albinfo.ch/wp-content/uploads/2023/09/rf-587x391.jpg)
Fondacioni Roger Federer feston këtë vit 20 vjetorin e tij. Që nga viti 2003, organizata e legjendës së tenisit ka mbështetur fëmijët në vende të ndryshme afrikane, në mënyrë që ata të kenë mundësi më të mira arsimore dhe ta bëjnë të ardhmen e tyre më premtuese.
Për të shënuar këtë përvjetor, maestro foli në selinë e OKB-së në Nju Jork gjatë javës. Në një fjalim që zgjati rreth dy minuta e gjysmë, 42-vjeçari apeloi që duhet të disponohen burime të mjaftueshme arsimore, veçanërisht në fazën e hershme të zhvillimit të fëmijëve.
“Më paraqitën një studim dhe u trondita kur zbulova se arsimi i hershëm është një nga sektorët e arsimit më të pafinancuar. Por në të njëjtën kohë është edhe më i shtrenjti”, u shpreh Federer, shkruan Blick.
Është e pabesueshme të shohësh se si zhvillohen fëmijët në pesë vitet e para të jetës. Banori i Bazelit ka parë me fëmijët e tij se sa të rëndësishëm janë vitet e para.
“Nëse ne nuk e mbështesim arsimin që në fillim, kam frikë se fëmijët nuk do të jenë më në gjendje ta arrijnë atë”, tha tutje maestro i tenisit.
Këtë vit ai vizitoi vendin e Afrikës jugore Lesoto në një udhëtim më të gjatë. Vajzat e tij binjake (14) dhe djemtë (9) ishin gjithashtu atje për herë të parë.
“Tani janë në një moshë ku mund të shkojnë në udhëtime të tilla. Unë dua që ata të përfshihen edhe në filantropi”, tha tutje, shkruan Blick.
Federer, i cili fitoi 20 tituj Grand Slam gjatë karrierës së tij të lavdishme, themeloi fondacionin 20 vjet më parë dhe u frymëzua nga nëna e tij Lynette (71), e cila vjen nga Afrika e Jugut. Ish-tenisti tashmë ka qenë në gjendje të mbështesë mbi 2.4 milionë fëmijë me programet e tij të ndihmës në vendin e nënës së tij dhe në pesë vende të tjera afrikane.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë