Shqipëria
Shqipëri: Regjistrimi i popullsisë do të tregojë shifrën e saktë të emigrantëve
![](https://www.albinfo.ch/wp-content/uploads/2021/08/screenshot_20210816-204555_facebook.jpg)
Të hënën, më 18 korrik, në Shqipëri do të fillojë regjistrimi i popullsisë, proces përmes të cilit do të mësohet sa shqiptarë jetojnë sot në Shqipëri, sa kanë emigruar gjatë 10 vjetëve të fundit dhe çfarë shifra kanë arritur banesat në Shqipëri.
Në lidhje me këtë, kryeministri i Shqipërisë, Edi Rama, ka thënë se beson që janë pjekur kushtet për të nisur një proces që duhet të bëhet sipas standardeve evropiane.
“Është një ushtrim i vështirë, sepse duhet trokitur derë më derë për të mbledhur sipas planit të bërë nga Instituti i Statistikave në 6 javë të gjitha të dhënat, të cilat janë një nevojë absolute për shumë arsye. Dhe, pikë së pari për të identifikuar realisht, konkretisht sa shqiptarë, sa qytetarë të këtij vendi jetojnë në këtë vend sot. Dhe po ashtu sa është numri i pasurive të tyre të patundshme”, ka thënë Rama, shkruan TCH, përcjell albinfo.ch.
Sa i përket saktësisë të mbledhjes së të dhënave në terren, Rama e lidhi atë me kontribuuesit në këtë proces.
“Kemi partnerët francezë, partnerët zviceranë, partnerët gjermanë, të gjithë të njohur për shpirtin e tyre të saktësisë, për eksperiencën e tyre në të qenit të saktë në numërim dhe patjetër me mbështetjen e vetë BE, me një fond të konsiderueshëm, ku 55% është vendosur në dispozicion nga qeveria shqiptare, pjesa tjetër është vënë në dispozicion nga këta partnerë dhe dua ta theksoj sepse është e rëndësishme, që për partnerët gjermanë kemi GIZ-in i cili është një institucion që në vijimësi në Shqipëri e ka treguar seriozitetin dhe vlerën e vet të shtuar. Faktori tjetër është teknologjia e lartë, e cila na jep një ndihmë shumë të rëndësishme për të përdorur atë që përdoret në realitetet më të zhvilluara si mjet që garanton integritetin e shifrave në kohë reale”, ka thënë ai.
Në lidhje me procesin e regjistrimit të popullsisë, Bashkimi Evropian e ka ndihmuar INSTAT me një grant prej 4.8 milionë eurosh.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë