Futboll
Barazim mes Kosovës dhe Zvicrës
![](https://www.albinfo.ch/wp-content/uploads/2023/09/fb_img_1694295179240-587x391.jpg)
Kombëtarja e Kosovës ka barazuar 2:2 kundër favoritit të grupit, Zvicrës, në stadiumin “Fadil Vokrri” në Prishtinë.
Kësisoj, Dardanët janë rikthyer fuqishëm me lojë e rezultat pozitiv nën drejtimin e përzgjedhësit Primozh Gliha, pas humbjes befasuese në qershor kundër Bjellorusisë. Heroi i ndeshjes pa dyshim ishte Vedat Muriqi, i cili realizoi të dy golat për Kosovën. Zvicra kaloi në epërsi me golin e Remo Freuler, në minutën e 14-të. Megjithatë, Muriqi barazoi me gjuajtje me kokë pas harkimit të Milot Rashicës, në minutën e 65-të. Mysafirët e rikthyen sërish epërsinë falë autogolit të Amir Rrahmanit, në minutën e 79-të. Mirëpo, as ky gol nuk i zmbrapsi Dardanët, të cilët besuan deri në fund në rezultat pozitiv dhe në fund ia arritën qëllimit, kur Vedat Muriqi shënoi sërish, kësaj radhe pas një kombinimi të shkëlqyeshëm Rrahmani-Korenica, duke e dërguar topin në rrjetën e mysafirëve me gjuajtje të saktë, transmeton albinfo.ch.
Tani Kosova është ngjitur në kuotën e katër pikëve në Grupin I dhe mbetet me shpresa për kualifikim në Evropian. Ndeshjen e radhës, Dardanët e luajnë më 12 shtator kundër Rumanisë në Bukuresht.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë