Kuriozitete
Apple investon miliona dollarë për trajnim për Intelegjencë Artificiale
![](https://www.albinfo.ch/wp-content/uploads/files/Apple_Store-587x396.jpg)
Sipas një raporti të ri të The Information, Apple po investon miliona dollarë në ditë tek Inteligjenca Artificiale. Kompania po punon mbi disa modele të IA nëpërmjet ekipeve të ndryshme.
Njësia e Apple që po punon mbi Inteligjencën Artificiale gjuhësore quhet “Foundational Models”, sipas asaj që raporton The Information. Ajo numëron “rreth 16 anëtarë”, duke përfshirë disa ish-inxhinierë të Google.
Ajo drejtohet nga John Giannandrea, përgjegjës i IA të Apple, i punësuar në vitin 2018 për të ndihmuar në përmirësimin e Siri. (Giannandrea thuhet se “u ka shprehur kolegëve skepticizëm në lidhje me dobinë e mundshme të chatbot-eve të trajnuara nga modelet gjuhësore të IA”).
Sipas The Information, edhe ekipe të tjera të Apple po punojnë mbi Inteligjencën Artificiale. Një njësi e inteligjencës pamore po zhvillon një model për krijimin e imazheve; një grup tjetër po studion “Inteligjencën Artificiale multimodale në gjendje të njohë dhe të krijojë imazhe apo video, përveç tekstit.
Këto modele mund të shërbejnë për qëllime të ndryshme. Ndërkohë po punohet për një chatbot i cili do të ndërvepronte me klientët që përdorin AppleCare: një tjetër do ta bënte më të lehtë automatizimin e detyrave me shumë hapa me Siri.
Njerëzit e përfshirë në zhvillimin e saj deklaruan për The Information se LLM* më i avancuar i Apple, i njohur gjerësisht si Ajax GPT, është trajnuar nga “më shumë se 200 miliardë parametra” dhe është më i fuqishëm se GPT-3.5 të OpenAI, versioni fillestar i ChatGPT i prezantuar vitin e kaluar.
Sipas asaj që është raportuar më parë nga Bloomberg, ky model u krijua fillimisht për përdorim të brendshëm dhe mbetet i mbyllur brenda kompanisë.
*Apple ka krijuar mjetet e veta të Inteligjencës Artificiale gjeneruese për të konkurruar me shërbimet e modeleve të mëdha gjuhësore (LLM – large language model) si ChatGPT ose Google Bard/ The Verge
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë