Kosova
Çifti nga Gjermania thotë “Po” mes Alpeve shqiptare
Një martesë në Theth
![](https://www.albinfo.ch/wp-content/uploads/2023/09/131233123-587x308.jpg)
Natyra mahnitëse që ofron Thethi e solli Robin dhe Aurorën në Shqipëri. Jo për turizëm, por për të kurorëzuar dashurinë e tyre midis Alpeve shqiptare, përcjell albinfo.ch.
“Po mendonim me Aurorën një vend special dhe donim patjetër që të ishte në natyrë. Gjithashtu, donim një vend që të kishim edhe tërheqje. Dy vjet më parë ishim në Theth dhe bëmë udhëtimin për në Valbonë. Qëndruam tri net në Theth. Për mua ishte hera e parë në Theth dhe në Shqipëri dhe u ndjeva shumë mirë me vendin dhe me banorët. Prandaj vendosëm ta bënim këtu. Jam shumë i lumtur”, thotë Robin Wilham.
Thethi ishte një rastësi e bukur për gjermanin, por jo për Aurorën. Ajo ka lindur në Kosovë, por është larguar që në kohën e luftës në Gjermani. Ndaj, për ta nuk ka qenë aspak e vështire të vendosnin ku do i thoshin “po” njëri-tjetrit.
“Kemi ardhur në Theth dhe menjëherë kam rënë në dashuri me këtë vend të bukur të mahnitshëm. Kur vendosëm të martoheshim kemi bërë zgjidhjen për ta bërë dasmën ose në Kosovë ose në Shqipëri dhe menjëherë të dyve na shkoi Thethi në mendje”, tregon Aurora Kastrati.
Ndonëse një çift modern, dasma e tyre është menduar të jetë tradicionale, ku nuk ka se si të mos mungojnë gatimet e zonës.
Një dasmë e menduar deri në detaje…Aurora e veshur me xhubletën tradicionale dhe Robin me veshjen e burrave të Malësisë ndërthuren më së miri me ansamblin e valleve.
Megjithatë, miqtë dhe familjarët ishin skeptikë për këtë vendim të tyre. Largësia nga vendi ku ata jetojnë u kthye në problem, por Thethi ia doli të bëjë magjinë e tij.
“Më thanë që është shumë larg dhe pse nuk ke menduar ta bësh në Gjermani apo pse jo në Spanjë apo diku tjetër, por menjëherë sa i tregova fotografitë, e kuptuan pse doja këtu. Gjeta këtë parajsë të vogël këtu dhe tani ata mendojnë se bëra një zgjedhje të shkëlqyer”, tregon Robin.
Mes bukurisë së natyrës dhe perëndimit magjepsës, ëndrra e tyre u kurorëzua duke celebruar martesën në Thethin e “zanave të malit”.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë