Kosova
Sot nisi viti i ri shkollor në Kosovë, Shqipëri dhe Maqedoni
![](https://www.albinfo.ch/wp-content/uploads/2023/09/children-286239_1280-587x391.jpg)
Në arsimin parauniversitar të Kosovës sot filloj viti shkollor 2023/24. Për dallim nga viti i kaluar kur pati grevë, këtë vit do të nisë me telashe sa i përket pajisjes me libra për të gjithë nxënësit, përcjell albinfo.ch.
Tekstet shkollore do të subvencionohen nga shteti, por për dallim nga vitet e kaluara, kësaj radhe prindërit do të jenë të obliguar t’i blejnë ato e më pas do t’i marrin mjetet përmes aplikimit në platformën eKosova. Nxënësit nga klasa e parë deri në të pestën do të subvencionohen me 80 euro për tekstet shkollore, ndërsa ata nga klasa e gjashtë deri në të nëntën do të subvencionohen me 30 euro, pasi i kanë të siguruara librat nga viti i kaluar. Qeveria ka alokuar rreth 13 milionë euro për këtë qëllim.
Gjatë ditës së djeshme ministrja e Arsimit, Arbërie Nagavci tha se kanë përfunduar procedurat e pagesës për grupin e parë të aplikuesve që kanë aplikuar deri më datë 29 gusht për furnizim me tekste shkollore dhe materiale mësimore e që janë mbi 81 mijë përfitues, derisa ka bërë të ditur se afati për aplikim do të jetë deri në fund të shtatorit.
Shqipëri
Sot nis shpërndarjen e librave falas për të gjithë nxënësit e shkollave publike 9-vjeçare. Këtë vit të ri shkollor, fëmijët e klasave të dyta dhe të treta do të marrin libra të rinj falas pa qenë nevoja që t’i kthejnë ato në fund të vitit shkollor.
Me anë të një mesazhi, kryeministri Edi Rama thotë se ky sistem është bërë një traditë mbështetëse e qeverisë për të pajisur nxënësit me burime cilësore të dijes.
“Mirëmëngjesi dhe me nisjen e shpërndarjes së teksteve FALAS për të gjithë nxënësit e shkollave publike 9-vjeçare – ku përveç klasave të para, edhe ato të dyta e të treta do t’i kenë librat falas me një përdorim – si dhe për nxënësit e 16 kategorive të veçanta në arsimin e mesëm të lartë, një konkretizim tashmë tradicional i mbështetjes së qeverisë shqiptare për të pajisur nxënësit me burime cilësore të dijes, ju uroj një ditë të mbarë”, shkruan Rama.
Maqedoni
Për mbi 200 mijë nxënës të shkollave fillore dhe të mesme sot fillon viti shkollor 2023/2024, i cili me vendim të Qeverisë për herë të parë në vend të 10 qershorit do të përfundojë më 17 qershor.
Përveç pushimit dimëror, studentët do të kenë edhe pushim pranveror, që do të filloj nga 29 prilli dhe do të zgjas deri më 5 maj 2024.
Sipas Konceptit për Arsimin Bazë, i cili aplikohet gradualisht nga viti 2020, në këtë vit shkollor nxënësit e klasave të treta dhe të gjashta do të mësojnë sipas plan-programeve të reja dhe për këtë janë duke u përgatitur tekste të reja.
Ministri i Arsimit dhe Shkencës Jeton Shaqiri dje ka njoftuar se do të ketë vonesë vetëm për tekstet e klasës së gjashtë që janë në fazë miratimi dhe pret që ato të dorëzohen gjatë muajit shtator.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë