Lajme
“Xhamia e bardhë”, pjesëmarrëse në kremtimin e 900-vjetorit të Aarburgut
Kjo flet mbi rëndësinë e zhvillimit të dialogut ndërfetar midis komuniteteve fetare për një mirëkuptim dhe harmoni ndërfetare
![](https://www.albinfo.ch/wp-content/uploads/2023/08/aarburg-4-587x330.jpg)
Në kuadrin e aktiviteteve të shënimit të 900-vjetorit të themelimit të qytetit Aarburg, më 18.08.23 është mbajtur një ceremoni zyrtare.
Ceremonia, nën patronazhin e organizatës ” Kopshti i Religjioneve” është mbajtur në prani të këshilltarit të qeverisë së kantonit Aargau, Dieter Egli, kryetarit të Komunës Hans -Ulrich Schär, deputetëve të shumtë të Parlamentit zviceran dhe atij kantonal. Aty kanë marrë pjesë si të ftuar edhe përfaqësuesit e institucioneve fetare të qytetit, shkruan albinfo.ch.
Kështu, pjesëmarrës ishin përfaqësuesit e kishës protestante, kishës katolike, xhamisë së komunitetit turk – Xhamia e gjelbër si dhe ata të Xhamisë së Bardhë Aarburgut, Imami Nehat Ismaili, kryetari Ruzhdi Mislimi dhe anëtarë të tjerë të kryesisë, thuhet në një njoftim të dërguar nga z. Ismaili.
Përmendja e parë e Aarbugut në dokumentet e vjetra daton që nga viti 1123 dhe kjo përbën një arsye të mjaftueshme për të kremtuar këtë vit jubilar, përkatësisht 900-vjetorin, ndaj ky event është i rëndësishëm për historinë dhe kulturën e Aarburgut sepse llogaritet si datë zyrtare e themelimit të qytetit të Aarburgut, dhe një mundësi për të festuar dhe nderuar këtë histori të gjatë dhe të bukur.
Imami i Xhamisë së Bardhë, Nehat Ismaili, me këtë rast ka kënduar disa versete nga sureja Merjem dhe ka lomunikuar përkthimin e tyre në gjuhë gjermane, ndërsa pastori i kishës reformiste ka recituar pasazhe biblike.
Në kuadër të këtij aktiviteti ishte paraparë mbjellja e një peme të ullirit si një bimë e bekuar, e cila përmendet në librat qiellor, si shenjë e harmonisë ndërfatare, mirëkuptimit dhe tolerancës.
Komisioni organizativ me të cilin udhëheq personalisht kryetari i Komunës së Aarburgut, ka paraparë që për tre ditë të organizohen evente të ndryshme kulturore, shfaqje teatrale, koncerte me artistë dhe mysafirë të ndryshëm.
Ajo që duhet nënvizuar është se në vitin e 900-të jubilar të një komune, ftohet zyrtarisht edhe komuniteti shqiptar musliman, që përbën një akt të lartë civilizues, demokratik dhe njerëzor duke e nderuar imamin e xhamisë që të recitojë pjesë nga kurani fisnik në një event të tillë të rëndësishëm kulturor. S`do mend që ky rast flet mbi rëndësinë e zhvillimit të mëtejshëm të dialogut ndërfetar midis komuniteteve fetare për një mirëkuptim dhe harmoni ndërfetare me një shoqëri civile të avancuar dhe me një sistem të rafinuar politik.
Shënim : Aarburgu i përket rrethit të Zofingenit, shtrihet përgjatë lumit Aare dhe kufizohet me kantonin Solothurn. Sipas regjistrimit të vitit 2021, numri i përgjithshëm i popullatës ka arritur në 8562 banorë, ndërsa 44.0% e tyre janë të huaj, mes tyre një numër i madh i komunitetit shqiptar nga Republika e Kosovës, Maqedonisë, Kosovës Lindore ( Lugina e Preshevës) dhe fare pak nga Republika e Shqipërisë.
Aarburgu ka një trashëgimi të pasur kulturore dhe arkitektonike, dhe si simbol më të rëndësishëm e hasim një kala madhëshore të ndërtuar mbi një shkëmb mbi lumin Aare. Në Aarburg mes tjerash ka edhe dy xhami, një është e komunitetit turk të vendosur në një objekt me qira dhe tjetra është e komunitetit shqiptar, Xhamia e Bardhë Aarburg, me një objekt të vetin të blerë në vitin 2011.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë