Shqipëri
Plazhet më të bukura në Shqipëri
![](https://www.albinfo.ch/wp-content/uploads/2023/06/jale-beach-shutterstock-1200-68-587x391.jpg)
Me ardhjen e verës, të gjithë zgjedhin destinacionet më të përshtatshme për pushime. Për kosovarët, Shqipëria është destinacioni kryesor për pushime, përcjell albinfo.ch.
Ja cilat janë disa plazhet më të bukura të Shqipërisë.
Plazhi i Kakomesë
Një ndër vendet më të bukura që ka Shqipëria është gjiri i Kakomesë, është pjesë e komunës së Lukovës si dhe një perlë e natyrës shqiptare.
Kakome është një fshat i vogël që të mrekullon, mund të shkoni me makinë apo dhe anije. Një gji i vogël detar i rrethuar nga male të larta duhet të vizitohet me patjetër këtë verë.
Plazhi i Ksamilit
Ishulli i Ksamilit është pjesë e parkut kombëtar të Butrintit, ku përveç rezidencave arkeologjike, mund të shijoni pamjen e mrekullueshme të ujit të kristaltë, me një rërë të bardhë.
Plazhi i Gjipesë
Në këtë plazh mbizotëron qetësia, rëra shumë e imët, ku kryeson deti i kaltërt.
Ky ngjason si një plazh privat, i cili lë një përvojë unike. Për të gjithë ju që dashuroni të ngjiteni nëpër shkëmbinj, ky është vendi perfekt.
Plazhi i Jalës
Një vend tjetër magjik i bregdetit shqiptar është Jala, ku deti Jon të jep një kënaqësi krejt ndryshe.
Një ndër plazhet më të bukura të Shqipërisë, ku çdo detaj është i kuruar, nga infrastruktura e deri tek shërbimi dhe argëtimi. Kushdo që e ka vizituar, ka mbetur shumë i kënaqur nga ky vend.
Dhërmi
Dhërmiu është një prej destinacioneve më të preferuara dhe të njohura, kryesisht prej të rinjve. Që prej plazheve të qeta e të veçuara, deri tek ato më të zhurmshmet, ku argëtimi e muzika nuk kanë fund.
Lukovë
Afër qytetit bregdetar të Sarandës ndodhet Lukova. Ku diku afër zonës mund të merrni dhe tragetin që ju dërgon në Korfuzin e afërt.
Ky vend mundëson një pamje fantastike, e sidomos nëse vizitohet në shtator.
Plazhi i Palasë në Vlorë
Në këtë plazh duhet të qëndroni pak gjatë, sepse bregdeti është i shkëlqyer dhe nuk mund të mjaftoheni vetëm me disa ditë.
Karakteristikë e kësaj zone janë shtëpizat e bardha dhe fshatrat e vegjël, të cilët rrethohen nga një natyrë shumë e bukur.
Shëngjin, ”Rana e Hedhun”
Edhe pse në veri, pak larg nga qyteti i Lezhës, ndodhet një ndër plazhet më të bukura natyrore, ai i “Ranës së Hedhun’. Një fluks të madh turistësh, si dhe hotele me shërbimin më të mirë nuk mungojnë kurrsesi në këtë vend.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
Të tjera nga Shqipëri
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë