Lajme
Cyrihu bie poshtë renditjes së qyteteve të shtrenjta për super të pasurit
![](https://www.albinfo.ch/wp-content/uploads/2022/09/306810513_850766382753192_2925318988385401385_n.jpg)
Cyrihu ra vitin e kaluar nga vendi i shtatë në vendin e katërmbëdhjetë në një renditje botërore të qyteteve më të shtrenjta. Renditja nga banka private Julius Bär bazohet në koston e stilit të jetesës për super të pasurit, përcjell albinfo.ch.
Në një krahasim evropian, Cyrihu është vetëm në vendin e pestë, pas Londrës, Monakos, Parisit dhe Milanos, sipas raportit të katërt “Global Wealth and Lifestyle Report”. Megjithatë, në të 25 qytetet e anketuara, kostot e standardit të lartë të jetesës së super të pasurve janë rritur ndjeshëm.
Jetesa luksoze ishte veçanërisht e kushtueshme në Azi. Singapori ishte qyteti më i shtrenjtë për të pasurit në botë, i ndjekur nga Shangai dhe Hong-Kongu, me Taipein gjithashtu në vendin e tetë.
Fakti që Cyrihu ka rënë në renditje është ndoshta për shkak të inflacionit relativisht të ulët në Zvicër, thuhet në raport. Niveli mesatar i çmimeve të Indeksit të stilit të jetesës në të gjitha qytetet u rrit me 6% në dollarë amerikanë dhe 13% në monedhat lokale.
Raporti bazohet në një shportë mallrash dhe shërbimesh të konsumit që pasqyrojnë stilin e jetesës luksoze të njerëzve shumë të pasur. Gjërat e përfshira shtrihen nga prona rezidenciale te avokatët e deri te çantat e grave.
Rritjet më të mëdha të çmimeve janë në mallrat e konsumit premium me kërkesë të lartë, si vera dhe uiski, si dhe makinat luksoze dhe shërbimet e mikpritjes. Sipas raportit, çmimet për suitat e hoteleve, fluturimet e klasit të biznesit dhe ushqimet e shkëlqyera janë rritur ndjeshëm pas një rritje të dukshme të kërkesës për udhëtime dhe argëtim, përcjell tutje albinfo.ch.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë