Lajme
FMN: Eurozona ka nevojë për norma më të larta të interesit për të ulur inflacionin
![](https://www.albinfo.ch/wp-content/uploads/2020/01/fmn-587x313.jpg)
Banka Qendrore Evropiane (BQE) duhet të vazhdojë të rrisë normat për të ulur inflacionin në Eurozonë, me qëllim që të ndihmojë dhe të rregullojë situatën e politikës fiskale.
Kështu ka theksuar Fondi Monetar Ndërkombëtar (FMN), duke shtuar se qeveritë e BE-së duhet të pajtohen për reformën që rregullon borxhin e bllokut.
“Politika monetare, duhet të vazhdojë të shtrëngohet, për të ulur inflacionin në përputhje me objektivin e BE-së, në kohën e duhur”, tha FMN në një raport, të cilin ua prezantoi ministrave të financave të Eurozonës dhe BQE-së.
BQE rriti kostot e huamarrjes, në nivelin më të lartë në 22 vjet dhe tha se inflacioni mbetet i lartë, por garantoi një lëvizje tjetër muajin e ardhshëm.
FMN-ja u bëri thirrje qeverive të Eurozonës, që të ndihmojnë BQE-në duke shkurtuar shpenzimet, sepse rritja ekonomike do të jetë modeste këtë vit dhe vitin e ardhshëm, pavarësisht shtrëngimit të kushteve financiare.
“Konsolidimi fiskal, duhet të vazhdojë për të lehtësuar presionet inflacioniste dhe për të rindërtuar hapësirën fiskale”, shtoi FMN-ja.
Po ashtu, FMN-ja u bëri thirrje qeverive të BE-së, të përfundojnë reformën, në vazhdim të rregullave fiskale të bllokut, të cilat u vendosën për të parandaluar huamarrjen e tepërt nga qeveritë.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë