Lajme
Cili është djathi më i shëndetshëm?
![](https://www.albinfo.ch/wp-content/uploads/2021/03/djath.jpg)
I pasur me proteina, kalcium dhe aminoacide, djathi konsiderohet si një nga ushqimet më të shëndetshme në dietën e përditshme. Gjithsesi, jo të gjitha llojet e djathërave janë njësoj. Disa prej tyre duhen konsumuar më me kujdes, për shkak të kalorive të shumta dhe yndyrave të larta që mund të përmbajnë. Por, cili djathë është më i shëndetshëm? Përgjigjja varet kryesisht nga metabolizmi juaj dhe nevojat e trupit tuaj për disa vlera të caktuara ushqyese. Megjithatë, ekspertët japin disa këshilla.
Rikota
Shumica e dietologëve kanë rënë dakord se rikota është më e shëndetshmja. Rikota autentike prodhohet duke përpunuar hirrën që mbetet, pasi qumështi mpikset dhe përdoret për të prodhuar djathëra të tjera (si p.sh. pecorino). Rikota ka një përqendrim të lartë të proteinës së hirrës, e cila përthithet lehtësisht nga trupi.
“Proteina e hirrës është një nga format më të absorbueshme të proteinave dhe përmban një gamë shumë të gjerë të aminoacideve. Pra, ideale për dikë që kërkon të ndërtojë muskuj dhe të humbasë peshë.”
Djathë i fortë
Djathërat e fortë si parmigiano ose pecorino janë gjithashtu ndër opsionet më të shëndetshme, sipas dietologëve, por sigurisht po të konsumohen me kujdes.
“Për shkak se ato përmbajnë më pak ujë dhe janë më të koncentruara, kanë sasi më të larta të kalciumit, por njëkohësisht mund të kenë përmbajtje natriumi më shumë së djathërat e buta, ndaj këshillohet të mos e teproni. Nëse jeni me hipertension ose ndoshta keni probleme me veshkat, atëherë më mirë zgjidhni një djathë të butë” thotë Castro Mortillaro, dietologe
Djathi më i mirë për humbje peshe
Nëse po kërkoni të humbisni kilogramë ose të keni një peshë stabël, sekreti është konsumimi i proteinave. Ato ju mbajnë të ngopur për një kohë më gjatë dhe ju ndihmojnë të ndërtoni muskuj.
“Për çdo 100 kalori, duhet të ketë të paktën 10 gramë proteina, kjo do t’ju tregojë nëse është një burim i mirë proteinash dhe një djathë i shëndetshëm”.
Disa djathëra që dietologët rekomandojnë për humbje peshe janë: djathi zviceran, djathi cheddar dhe rikota.
Djathi që duhet shmangur
Nëse është e mundur, hiqni dorë nga gjërat shumë të përpunuara, duke përfshirë djathin e konservuar apo djathin krem, që kanë një nivel të lartë yndyre dhe proteina minimale. Disa nga varietetet e djathit të përpunuar, madje nuk klasifikohen teknikisht si “djathëra” nga Administrata Amerikane e Ushqimit dhe Barnave.
“Tendencat dietike ndryshojnë herë pas here. Në vitet 1990 dhe fillimin e viteve 2000 ishim në fazën: Hani pa yndyrë! Kishim djathë pa yndyrë, majonezë pa yndyrë, por ishin shumë të përpunuara. Sigurisht që e freskëta është më e mirë. Nëse nuk kërkoni të humbisni peshë, atëherë djathi me yndyrë të plotë, i paprocesuar, duhet medoemos të jetë pjesë e dietës suaj, gjithmonë duke mos e tepruar.”
Castro Mortillaro, dietologe
Disa djathëra mund të jenë gjithashtu një burim i mirë i probiotikëve, sipas Martorano, si p.sh. djathi feta nga qumështi i lopës ose dhisë, që konsiderohet një nga djathërat më të mirë, nëse nuk po ndiqni ndonjë dietë specifike./cnn
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë