Lajme
Organizatat bamirëse zvicerane japin alarmin për rritjen e problemit të të pastrehëve
![](https://www.albinfo.ch/wp-content/uploads/2022/02/homeless-man-833017_960_720.jpg)
Të pastrehët janë në rritje në Zvicër, paralajmërojnë organizatat bamirëse. Numri i të pastrehëve në kryeqytetin zviceran, Bernë, është dyfishuar vitet e fundit, duke testuar kapacitetin e strehimoreve, përcjell albinfo.ch.
Problemi nuk është i kufizuar në qytetet e mëdha, por është përhapur edhe në qytetet më të vogla. Çështja është përkeqësuar nga rritja e kostos së jetesës, një treg i papërballueshëm i banesave dhe konflikti global.
Strehëzat e të pastrehëve në Bernë po përballen me një situatë kritike, thotë Silvio Flückiger, një punonjës social që ka punuar me organizatën “Pinto” për 18 vjet.
“Krahasuar me të kaluarën, numri i të pastrehëve është dyfishuar”, i tha ai transmetuesit publik zviceran SRF. Ushtria e Shpëtimit në Bernë ka raportuar gjithashtu një rritje të numrit të njerëzve që kërkojnë ndihmë.
Problemi i të pastrehëve nuk kufizohet vetëm në Bernë, pasi shqetësime të ngjashme po ngrihen në gjithë Zvicrën. Në Biel, një qytet tjetër në kantonin e Bernës, streha e urgjencës ka qenë me kapacitet të plotë prej disa muajsh.
Një studim i publikuar vitin e kaluar zbuloi se popullsia e pastrehë në Bernë është më e lartë se ajo e qyteteve të tjera gjermanishtfolëse në Zvicër.
Çështja e të pastrehëve ka qenë një shqetësim urgjent prej disa vitesh. Administrata e qytetit në Bernë dëshiron të përgatitet për dimrin e ardhshëm.
Autoritetet po ndërmarrin veprime për t’u përgatitur për rritjen e pritshme të kërkesës për ambiente emergjente gjumi.
Politikanët kanë kërkuar burime shtesë, veçanërisht për gratë.
“Në Bernë, ne duam të kemi një vend fjetje për të gjithë ata që duan një të tillë”, tha drejtoresha e mirëqenies sociale, Franziska Teuscher, për SRF. Për këtë qëllim, administrata aktualisht po shqyrton pronat e mundshme për t’u përdorur si strehimore emergjente, përcjell tutje albinfo.ch.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë