Lajme
Nuk e lënë të hyjë në Gjermani, shqiptari rrah dy policë në Aeroportin e Berlinit
Gjatë kontrollit, shqiptari ka bërë rezistencë, duke goditur me grusht në fytyrë një polic, i cili ka pësuar një hematomë dhe disa gërvishtje në krah
![](https://www.albinfo.ch/wp-content/uploads/2020/09/photo-1568060959434-4e38dd00a2ab.jpg)
Të shtunën pasdite, një person ka sulmuar fizikisht dy policë të policisë federale në aeroportin e Brandenburgut të Berlinit, transmeton albinfo.ch. Ai ka goditur me grusht në fytyrë njërin dhe ka ngufatur policin tjetër.
Për shkak të refuzimit që i është bërë për të hyrë në Gjermani, një shtetas shqiptar ka qëndruar në zonën e tranzitit të Aeroportit të Brandenburgut të Berlinit deri në fluturimin e kthimit për në Tiranë (Shqipëri). Atje ai pinte duhan vazhdimisht dhe ka kryer disa vjedhje, shkruan ots.de.
Pastaj, sipas një vendimi gjyqësor, 31-vjeçari duhej të dërgohej në masën parandaluese deri në ekzekutimin e dëbimit nga Gjermani. Gjatë kontrollit, shqiptari ka bërë rezistencë të konsiderueshme dhe ka goditur me grusht në fytyrë një polic, i cili ka pësuar një hematomë dhe disa gërvishtje në krah.
Për vetëmbrojtje, policia federale i ka vënë pranga sulmuesit.
Pasi ndërkohë u duk se u qetësua dhe ishte bashkëpunues, një polic deshi t`ia hiqte prangat. Por, shtetasi shqiptar ka sulmuar sërish policët dhe ka ngufatur (i ka zënë frymën) një polic, transmeton albinfo.ch. Sidoqoftë, polici mundi të dilte nga situata dhe shpëtoi i padëmtuar.
Policia Federale nisi hetimet ndaj personit në fjalë për dyshimin për rezistencë ndaj punonjësve të zbatimit të ligjit dhe sulm fizik ndaj tyre.
Shtetasi shqiptar është mbajtur në paraburgim nga policia deri në fluturimin e planifikuar të kthimit për në Shqipëri të dielën pasdite, përcjell albinfo.ch.
Të ngjashme
Të tjera nga Lajme
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë