Kriza në Ukrainë
Ambasada ruse kërcënon me burg gazetarin zviceran
Në mesazh, ambasada ruse shkruan: Në rast se futet në Rusi, gazetari do të përballet me gjobë ose burgim nga pesë deri në shtatë vjet
![](https://www.albinfo.ch/wp-content/uploads/2022/08/532755730_highres.jpg)
Në renditjen e lirisë së mediave, Rusia zë një nga vendet më të ulëta. Ajo renditet në vendin e 155 nga 180 vende. Tani një gazetar zviceran po ndjen efektet.
Ambasada e Rusisë në Bernë ka reaguar përmes një komunikate për media, ndaj raportimeve të gazetarit Ivo Mijnssen, transmeton albinfo.ch. Ai është përgjegjës për Evropën Lindore në gazetën “Neue Zürcher Zeitung”. Në një raport të tij për gazetën ai ka shkruar, veç tjerash se gratë kanë përdorur laksativë në pjekurinat që kanë shpërndarë për ushtarët rusë.
Në mesazh, ambasada ruse shkruan sipas “Blick”: Në rast se futet në Rusi, gazetari do të përballet me gjobë ose burgim nga pesë deri në shtatë vjet. Ambasada e akuzon atë për “pranimin e shpikjeve dhe thashethemeve më qesharake të përhapura nga regjimi i Kievit dhe pasuesit e tij”.
Për Mijnssen më tutje thuhet se synon “të justifikojë terrorizmin dhe të promovojë nxitjen e urrejtjes”.
Gazetari punon si korrespondent i NZZ në Vjenë dhe ka raportuar nga Ukraina, Hungaria, Polonia, Republika Çeke dhe Sllovakia.
Departamenti Federal i Punëve të Jashtme (EDA) iu përgjigj kërcënimit të mërkurën pasdite, përcjell albinfo.ch. EDA njoftoi në Twitter se veprimet e ambasadës ruse ishin “të papranueshme” dhe se kjo do t`i komunikohet ambasadorit.
E-Diaspora
-
Florian Haçkaj: Një jetë përtej kufijve dhe një mision për Shqipërinë Suksesi më i madh i Lëvizjes që drejton Florian Haçkaj ishte fitorja në Gjykatën Kushtetuese të...
-
Valdete Hoti, figurë frymëzuese dhe sinonim i humanizmit
-
43 orë në bllokim trafiku për të arritur në Kosovë nga Zvicra
-
Abdixhiku aludon se nga mbi 100 mijë të regjistruar për votim nga diaspora, 40 mijë janë mbështetës të LDK-së
-
Krishtlindjet mes luksit, atdhedashurisë dhe humanizmit të familjes së Anton Nikollës
Jeta në Zvicër
-
Tarifa e urgjencës prej 50 frangash vazhdon të shkaktojë polemika Polemika po rritet në lidhje me dënimin e propozuar për njerëzit që kërkojnë kujdes mjekësor urgjent...
-
Posta në Zvicër: Rekord i dërgimit të pakove për Krishtlindje
-
Gjykata Federale merr vendim për pensionin e burrave të ve
-
Çfarë faturash duhet të paguani përpara datës 31 dhjetor, në Zvicër?
-
Zvicra ka indeksin më të ulët të mjerimit në botë