Portrete të firmave
“Smartycom AG”, kompania e vetme shqiptare në panairin “Home Fair” në Zvicër
![](https://www.albinfo.ch/wp-content/uploads/2023/03/img_0062..-587x392.jpg)
Pas dy panaireve të suksesshme, të cilat u zhvilluan në shtator 2021 dhe prill 2022, panairi “Home Fair 2023” ka hapur dyert sërish në Cyrih-Oerlikon nga e diela, 26 mars 2023, deri të mërkurën, më 29 mars 2023.
Me 7000 m2 hapësirë kanë ekspozuar produktet e tyre të pajisjeve elektroshtëpiake rreth 50 ekspozues nga Zvicra. Në mesin e tyre është kompania e vetme shqiptare – zvicerane smartycom AG, e cila në këtë panair ka prezantuar produkte të markave të ndryshme, duke përfshirë edhe markën e njohur SONY.
Basri Shkodra, themelues dhe drejtues i kësaj firme, është shprehur i kënaqur me pjesëmarrjen në këtë panair. Ai, në një bashkëbisedim me albinfo.ch pohon se ky panair ishte një mundësi e mirë për kompanitë, që krahas promovimit të produkteve, të njihen me trendet e industrisë të kompanive teknologjike dhe të lidhin marrëveshje bashkëpunimi.
Stendën e kompanisë Smartycom AG e ka vizituar edhe Fehmi Fetahi, Presidenti i Bordit të Rrjetit të Bizneseve të Diasporës Shqiptare në Zvicër.
“Afaristi Basri Shkodra është anëtar i Kryesisë së Rrjetit dhe ne na bën krenar suksesi i tij, po edhe i të gjithë ndërmarrësve të tjerë shqiptarë në Zvicër, të cilët po vazhdojnë rritjen në të gjitha sektorët”, tha z.Fetahi.
Kompania Smartycom po vazhdon rritjen e saj me hapa të sigurt dhe, krahas kësaj, ajo mëton që në vitin 2023 të zgjerojë aktivitetin e saj edhe nëpër shtete të tjera evropiane.
Përveç që është e pranishme në tregun zviceran, Smartycom gjithashtu operon suksesshëm edhe në tregun ballkanas, duke qenë e pranishme në Shqipëri, Kosovë dhe Maqedoni të Veriut. Dhe, nga viti 2023 po ashtu pritet zgjerimi dhe shtrimi i rrjetit edhe në shtetet e tjera të rajonit, si Mali i Zi, Kroaci, Bosnjë e Hercegovinë, Bullgari dhe Rumani.
Smartycom në asortimentet e saj që distribuon tani ka produktet, si: SONY, Celly, Ksix, Energizer, Holdit, defunc, Travel Blue, Anomeo, Lexingham, Contact, Pitaka, Choetech.
Pas këtij panairi pritet që ajo të zgjerojë bashkëpunimin edhe me disa kompani prodhuese, të cilat do të jenë mjaft atraktive edhe për konsumatorët në tregjet ku do të operojë smartycom.
![](https://www.albinfo.ch/wp-content/uploads/2023/03/img_0078.jpg)
![](https://www.albinfo.ch/wp-content/uploads/2023/03/img_0100...jpg)
Të ngjashme
Të tjera nga Portrete të firmave
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë