Tematike
Artin Fuga kërkon votën për Parlamentin kantonal të Luzernit
Politikani i ri i liberalëve zviceranë, Artin Fuga, do të angazhohet për biznese të vogla e të mesme dhe kundërshton fuqishëm ata që jetojnë me ndihma sociale.
![](https://www.albinfo.ch/wp-content/uploads/2023/03/artin-fuga-fdp-fjalim-para-mases-587x389.jpg)
Në takimin elektoral të organizuar të shtunën në Kriens të kantonit Luzern, kandidati i liberalëve të FDP-së, Artin Fuga, u fokusua në mirëqenien qytetare dhe kushte më të mira pune për ndërmarrje të vogla e të mesme. Ai bashkë me kolegë partiakë të FDP-së iu drejtuan të pranishmëve me pikat preukopuese të qytetarëve të Kriensit dhe në përgjithësi të kantonit të Luzernit.
Vota për Artinin është votë për përkrahje të bizneseve e për më tepër vende e kushte më të mira pune. Mbi gjitha, për ata që duan të punojnë e të mos ngarkohen me taksa të rënda komunale.
Me një fjalë përshendetëse, takimin e hapi kryetari i FDP-së Kriens, Hanspeter Meier.
Bashkë me të kishin ardhur edhe bashkëpartiakë të tjerë, deputetë e këshilltarë, si Roger Erni, Andreas Bertshi dhe Damian Müller, të cilët folën për rëndësinë e votës dhe politikën e forcimit të ekonomisë e bizneseve në kantonin e Luzernit, duke i ftuar të pranishmit ta votojnë kandidatin Altin Fuga për zgjedhjet kantonale, të cilat do të mbahen më 2 prill.
Paraqitjet e tyre u pasuan me pyetje të ndryshme të të pranishmëve. Favorizimi me leje pune te mënjehershme për refugjatët ukrainas ishte një tjetër preokupim që erdhi nga sipërmarrësi Gentian Pagarusha. I cili la të kuptohet si kjo është një padrejtësi ndaj të tjerëve, për shembull, ata nga Ballkani që nuk lejohen të vijnë të punojnë në Zvicër.
Vetë kandidati i FDP-së që kishte tubuar të pranishmit në këtë tubim elektoral u shpreh në favor të ndërmarrjeve, kushteve më të mira për punësimin e grave, sidomos familjeve që kanë fëmijë të vegjël e u nevojitet të kujdesen edhe me fëmijët.
«Mua nuk më nevojiten politikanët për të fituar paratë e mia. Politikanët me nevojiten për të zhvilluar bashkë ekonominë dhe për të ofruar zgjidhje për: Tatim të ulët, kushte më të mira pune, për ndërmarrje të vogla dhe të mesme dhe favorizimin e grave në tregun e punës», u shpreh para të pranishmëve.
“Ekonomia jonë është shtylla kryesore e vendit. Ne mund të jemi njerëz shumë të mirë, mirëpo nëse nuk kemi zhvillim ekonomik e nuk ofrojmë vende të mjaftueshme pune, të papunët do të kenë nevojë për mbështetje sociale. Ato janë para tona, askush tjetër nuk i paguan ata përpos ne që punojmë e paguajmë tatim. Ne jemi shteti, ne paguajmë tatim, ne mbushim ato fonde”, tha ai.
Më tej Fuga tregoi si i janë parashtruar gjithnjë pyetjet e njëjta se cilat janë qëllimet e angazhimit të tij politik në FDP. Si ndërmarrës i një kompanie të vogël dhe prind, për mua është më rëndësi të angazhohem për sipërmarrje familjare. Ne duhet të gjejmë zgjidhje të mira edhe për gratë me fëmijë që duan të shkojnë të punojnë, veçoi politikani i liberalëve, duke treguar një hap ndaj atyre që janë të aftë për punë, por nuk duan të punojnë.
“Jam kundër atyre që duan të jetojnë me para të shtetit. I kuptoj njerëzit e moshuar që nuk gjejnë dot një vend pune, por jo të rinj 30-vjeçarë që marrin ndihma sociale për arsye se nuk gjejnë punë”, u shpreh Fuga, i cili tha se me rreth 3.9 % janë mbi 1 mijë qytetarë në komunën Kriensit, kryeisht të rinj dhe të moshës mesatare, që jetojnë nga paratë e taksapaguesve.
“E kam dëgjuar vetë kur me kanë thënë pse të shkoj të punoj kur i marr mbi 5 mijë franga pa punuar. Unë nuk mund të zgjohem në mëngjes me ndërgjegje të pastër nëse jetoj nga djersa e të tjerëve. Për këtë jam këtu dhe angazhimi im është për komunën dhe kantonin”, tha në fund të fjalimit të tij kandidati i liberalëve të Kriensit, Artin Fuga.
![](https://www.albinfo.ch/wp-content/uploads/2023/03/14-1024x858.jpg)
![](https://www.albinfo.ch/wp-content/uploads/2023/03/11-1024x768.jpg)
![](https://www.albinfo.ch/wp-content/uploads/2023/03/333474844_125337863828277_7356903835600502228_n.jpg)
Të tjera nga Tematike
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë