Kosova
“Numarics”, mundësi për kontabilistët kosovarë të përfitojnë nga përvojat zvicerane
Kjo është një mundësi e artë për të gjithë ata që kanë zgjedhur profesionin e auditimit, kontabilitetit dhe financave
![](https://www.albinfo.ch/wp-content/uploads/2023/02/ardiana-bunjaku-scaak-kristian-kabashi-587x391.jpg)
Të gjithë ata që dëshirojnë të kenë një profesion të mirë në tregun e punës dhe ata që dëshirojnë të specializohen në kontabilitet, auditim dhe financë, tashmë kanë një adresë për të trokitur.
Kompania e njohur zvicerane Numarics e ofron këtë mundësi, tashmë edhe në Prishtinë. Në eventin e mbajtur të enjten mbrëma shumë të rinj të pranishëm treguan interesim për këtë projekt me peshë dhe interesant.
Ky event është organizuar nga Numarics, së bashku me Shoqatën e Kontabilistëve të Certifikuar dhe Auditorëve të Kosovës, dhe është bashkëmbështetur nga Shoqata Zvicerane-Kosovare e Biznesit e BERZH.
Numarics është një kompani e njohur dhe me emër në Zvicër. Ka të punësuar mbi 140 profesionistë, ka gjashtë zyra në Zvicër dhe më shumë se 3 mijë klientë i kanë falur besimin kësaj kompanie.
Numarics është zgjedhja numër 1 për nevojat e kontabilitetit dhe menaxhimit të biznesit.
Tashmë kjo kompani po e zgjeron tregun e saj edhe në Prishtinë, që është një mundësi e artë për të gjithë ata që kanë zgjedhur këtë profesion.
![](https://www.albinfo.ch/wp-content/uploads/2023/02/gent-shala.jpg)
Gent Shala nga Numarics deklaron se programi synon trajnimin dhe punësimin e kontabilistëve dhe auditorëve, posaçërisht për të përmbushur nevojat e kompanisë zvicerane.
Ndërsa Kristian Kabashi, bashkëthemelues i Numarics, ka folur për përvojën e tij ndërkombëtare në fushën e kontabilitetit dhe auditimit. Ai ka themeluar kompaninë Numarics në partneritet me Dominique Rey.
Ndërkohë, Ardiana Bunjaku nga Shoqata e Kontabilistëve të Certifikuar dhe Auditorëve të Kosovës (ShKÇAK) është shprehur se kjo është një mundësi e mirë për t’u specializuar në ndonjë sektor të caktuar të këtij profesioni.
Leonora Kusari nga Banka Evropiane për Zhvillim, duke ftuar të rinjtë të aplikojnë për t’u avancuar në Numarics, ka thënë se sa më shumë që të ketë kontabilistë e auditorë të përgatitur, aq më shumë ka mundësi për të marrë fonde nga BERZH-i. Të pranishmëve u është prezantuar QR kode, me anë të të cilit atyre u hapet mundësia për të aplikuar në programin e Numarics.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë