Lajme
Rritet kërkesa globale për blerjen e arit
![](https://www.albinfo.ch/wp-content/uploads/2022/04/gold-g69effb3fe_1920.jpg)
Kërkesa globale për arin arriti nivelin më të lartë të dekadës prej 4,741 tonësh në vitin 2022, në kuadër të blerjeve të fuqishme nga banka qendrore dhe investimeve të forta me pakicë gjatë tremujorit të fundit.
Sipas raportit të trendit të kërkesës për arin nga Këshilli Botëror i Arit të martën, kërkesa për arin u rrit 18 për qind nga viti i kaluar.
“Vitin e kaluar ne pamë nivelin më të lartë të kërkesës vjetore për arin në më shumë se një dekadë, e nxitur pjesërisht nga kërkesa kolosale e bankës qendrore për asetin e sigurt”, tha Louise Street, analist i lartë i tregjeve nga Këshilli Botëror i Arit.
Kërkesa e bankës qendrore u rrit 152 për qind në bazë vjetore në 1,136 tonë në 2022, e cila shënon rekord të lartë 55-vjeçar, tha Këshilli, duke shtuar se “shumica e të cilave ishte e paraportuar”.
Kërkesa për investime (duke përjashtuar shitjet në bursë) shënoi rritje prej 10 për qind krahasuar me një vit më parë në 1,107 tonë në 2022, e prirur nga një ngadalësim i dukshëm i rrjedhjes të ETF (fondi që tregtohet në bursë) dhe kërkesës së lartë për shufra dhe monedha ari.
“Drejtuesit e ndryshëm të kërkesës për ar luajtën rol balancues pasi rritja e normave të interesit shkaktoi disa rrjedhje taktike nga ETF ndërsa rritja e inflacionit nxiti investimet në shufra ari dhe monedha”, tha Street.
Konsumi i bizhuterive shënoi rënie me 3 për qind në 2,086 tonë vitin e kaluar për shkak të rritjes së çmimeve të arit në tremujorin e katërt.
Kërkesa për ar në teknologji ra me 7 për qind në 2022 pasi përkeqësimi i kushteve ekonomike globale pengoi kërkesën për elektronikë të konsumit.\
Oferta totale vjetore e arit u rrit me 2 për qind në vit në 4,755 tonë në 2022 ndërsa prodhimi në sektorin e minierave u rrit në nivelin më të lartë në katër vitet e fundit prej 3,612 tonë.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë