Maqedonia
Maqedoni: Aleanca për Shqiptarët, afër hyrjes në Qeveri
![](https://www.albinfo.ch/wp-content/uploads/2022/01/356129860_highres.jpg)
Aleanca për Shqiptarët në Maqedoninë e Veriut ka gjasa t’i bashkohet Qeverisë në një marrëveshje koalicioni që mund të arrihet mes përfaqësuesve të saj e kryeministrit maqedonas. Këtë e ka bërë të ditur kreu i Aleancës, Arben Taravari, pas takimit me kryeministrin Dimitar Kovaçevski, transmeton albinfo.ch.
“Në aspekt programor besoj se pjesa dërrmuese e çështjeve janë të sinkronizuara me Qeverinë, mund të them 90% të propozimeve tona të cilat i kishim. Drejtimi eurointegrues, lufta kundër krimit dhe korrupsionit, funksionimi i shtetit të së drejtës, ligj i ri për qeverinë, shndërrimi i Byrosë për zhvillim të barabartë në Agjenci për zhvillim të barabartë rajonal. Një nga ministritë për të cilën kemi kuadro më të mira është Ministria e Shëndetësisë, megjithatë aspak nuk e hapëm këtë temë”, tha Arben Taravari, kryetar i Aleancës për Shqiptarët.
Ndërkohë që kryeministri maqedonas nuk është prononcuar. Por zyra e tij njoftoi se palët kanë biseduar për disa çështje duke numëruar disa nga temat që përmendi Taravari, por edhe të tjera.
“Gjithashtu, kryeministri Kovaçevski dhe Taravari diskutuan për trajtimin efikas të krizës energjetike dhe ekonomike, zhvillimin ekonomik si dhe miratimin e ligjeve reformuese që nënkuptojnë përmirësimin e funksionimit të shtetit si zgjidhje ligjore për kontrollin financiar publik, parandalimin e keqpërdorimi i balancuesit, mbrojtja e kategorive vulnerabël të qytetarëve”, thuhet në njoftimin e Qeverisë.
Të tjera nga Maqedonia
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë