Zvicër: Liqenet po mbushen me ujë, por jo mjaftueshëm

(KEYSTONE/Gian Ehrenzeller)

Shiu i fundit nuk është i mjaftueshëm për të kompensuar verën e thatë, por situata po përmirësohet.

Parashikuesit thonë se liqenet po mbushen dhe nivelet e lumenjve po rriten dhe akullnajat kanë një shtresë dëbore – e cila ndihmon në mbrojtjen e tyre.

Por ne kemi ende pak ujë, e situata ndryshon nga vendi në vend. Kantoni Ticino mbetet shumë i thatë, shkruajnë mediat zvicerane, përcjell albinfo.ch.

Parashikuesit thonë se ne kemi nevojë për reshje më të qëndrueshme për të lejuar mbushjen e rezervuarëve.

Megjithatë, java e ardhshme do të jetë sërish e thatë dhe e ngrohtë.